kavzar v.

גרם, גרם ל-, הביא לידי

to cause

kavzar pleitos (Nehama)

Kada ombre ke prekure de ser djusto i no kauze a ninguno danyo i dizgusto

Una ora de neglijensa kavza un anyo de grande pena

kavzan ke el kuerpo konsentre poderes (Gaon, Poezias)

ala vista es solido pero kavza ataganto. (Gaon, Poezias)

ditas instruksiones me kavzan mas penas (Gaon, Poezias)

eyos lo kavzaron este tasferat, porke en todo perat la razón tenemos, mo lo kontenemos. (Koplas de Purim, Saadi 'Halevi. sig 19)

Todo lo kulpavan munchos de nozotros / i ke siempre avlavamos a otros / todos los sekretos dec nuestra nasion / i esto kavzava nuestra destruision (La Amerika, 1916)

tanbien kavzaresh provecho a guestra alma, (Meam Loez Bereshit)

por esto rijo el Sh.-Yit. de no kriar la mujer de lugar ke le kavze ser muy mala (Meam Loez Bereshit)

sera sentidora de las avlas de la djente i kavzara pleito entre eyos (Meam Loez Bereshit)

por esto le plazio al Sh.-Yit. de kriarla de un lugar ke no le kavze tener tales manias negras. (Meam Loez Bereshit)

I dize la Gemara ke le demandaron a un savio ke koza le kavzo de alargar sus dias. (Meam Loez Bereshit)

i kavza ke le sale la boda por los ojos (ve-'Hohiah Avraam, Izmir 1877)

El ke kavzara a baldar la fragua del bet amikdash sera derrokado el madero de su kaza i sera enforkado (Meam Loez Ester, Izmir 1864)

si en beviendo le kavza alguna hazinura es patur (muaf) de bever (El gid, Istanbul 1967)

i todo esto se los kavza su mengua de no konoser el ereh de su daat i se tienen por pilosofim (Meshivat Nefesh II, Const. 1754)

ke porfetas de la falsedad eyos me kavzaron por achakear fortaleza de sanya de A' sovre mi (Shir a-Shirim Targum II, Mahzor Sal. 1876)

Este atamiento, donde no konosian ni el verdadero empesijo ni el verdadero motivo, kavzo una grande sansasion, (La dam o kamelia)

la eksplozion kavzo danyos en material, en rompiendo los vidros de las ventanas del lugar. (Luz de Israel, 1989)

Antes de todo, su vista me kavzo grande shok. (Luz de Israel, 1985)

Pensad ke el retardo de vuestro ayudo kavzara la muerte segura a nuestros ermanos menestrados i kada ayudo presurozo en kualker mezura fuese, puedra salvar una alma mas de nuestra nasion (La Amerika, 1917)

la komida ke me davan les estava kavzando muncho gaste i se estavan espantando no les trushera ambrera (Guliver, Yerush. 1912)

Despues de un sierto tiempo un amigo, avokato, viene vijitarlo por konsolarlo i konsejarlo de no kontinuar en su melankolia kauzada por este insidente desgustante, asigurandole ke este fakto no implika para el ninguna responsabilidad. (La Boz de Turkiye, Istanbul 1948)