kavo m.

סוף, קץ, אחרית; קצה

end ; edge

a los kavos

כשעומדים כבר לגמור

al kavo

לבסוף

al kavo del mundo

בסוף העולם - במקום נידח ומרוחק

al kavo kavo

בסופו של דבר

al kavo, ke vites aki

בסופו של דבר מה יצא מכל המהומה?

dar/meter kavo

לשים קץ, להפסיק

de un kavo al otro

מקצה אל קצה

ir fin al kavo

ללכת עד הסוף

kavo de mez/de anyo

יום השלושים/יום השנה

kavos buenos

איחול: סופו טוב, סיפיה טב, ס''ט

kavos negros

ימים מלאי סבל בסוף החיים

meter todo en un kavo

להתרכז במשהו ולדחוק את כל היתר הצידה

no es kavo de mundo

זה לא סוף העולם - הדבר אינו חמור עד כדי כך

no topar kavo

לא לראות סוף, לא לראות קץ

sin kavo

בלי קץ

sin kavo ni atemo

בלי סוף ובלי קץ

para su negregura no ay kavo (Nehama)

Si Adar amostra su kavo, no desha ni arado ni ensembrado

El ke al kavo keda a ravo asimeja

Para todo ay kavo

Nunka se arremango Chamandura, sino kavo de mez i rayo de luna

Para echos del Dio no ay ni kavo, ni karar

Para el mazal non ay ni kavo ni karar

Al kavo de rato sos marido gato

Al kavo de sien anyos todos seremos salvos

Todo tiene kavo solamente una mujer

La haveransa traye mucha ansia, al kavo del anyo sale treskilada

ma oy las nasiones velan vuestros kavos (Gaon, Poezias)

I ke va ser kavo de nuestra sufriensa. (La segunda Ester, 1911)

I todo el ke lo apreto i lo presigio devino kavo. (La segunda Ester, 1911)

O es ke la esperansa ke va venir el dia, ke meterá un kavo a esta trajedia, ('Ha-Elion: En Kampos, 2000)

i ansi le fue al kavo en tienpo de Yaakov su nieto (Toledo, Koplas de Yosef)

mira lo ke es el kavo del basar vadam, la muerte kedo del tiempo de Adam, de eya no eskapa benadam, anke sea kuanto Moshe (Tarika, Shira Hadasha, Izmir 1861)

gran senyor vos yamash, so guestro esklavo / i mis ijos i mi bien de kavo asta ravo / no oigash algun klavo / esto vos dire / i al rey bendizire / ke esto no es mi echo / ni dingun provecho (manus. Teza, 1820)

penas munchas ya yevo ke no le kedo vago / porke era muy malo ya tuvo su pago / se trusho en negro kavo / de no topar plazer / ay ijo de un mamzer / mas ke asperavas / de muchiguar esklavas (manus. Teza, 1820)

en prostemeria fue prevado en kavo de las dies prevas / el ijo ke fue nasido a ti de Sara / si tu alma asta mucho fue atada / alevanta a mi por alsasion klara / sovre monte ke onra a ti esklaresera (Puertas de veluntad, Mahzor Rosh a-Shana, Sal. 1876)

i saviendo ke el kavo de la presona es de apartarse de este mundo (Meam Loez Bereshit)

i por esto tuvi kargo de avizar en el kavo de la parasha en ke lugar viene la 'haftara, (Meam Loez Bereshit)

de un kavo de mundo al otro; (Meam Loez Bereshit)

'Apiadate de mi, ke alkavo kavo tu ermano so. (Meam Loez Bereshit)

Grande es la pena de los reshaim gemurim despues de la muerte, ke no tiene kavo ni fin (Menorat 'Hamaor, 1762)

Su guezmo resiende de un kavo de el mundo asta el otro (Shevet musar, Const. 1740)

Si aunke seras esparzido en los kavos del mundo, de ayi te rekojera H' tu Dio, i de ayi te tomara i te ara traer a la tierra de tus padres (M''L Kantar de los Kantares,1899)

ke le de ronpida a su ijo ke no se uze a dezear lo ke ve ke no ay kavo (ve-'Hohiah Avraam, Izmir 1877)

savresh ke mos kijo dar a entender el pasuk ke Ahashverosh enreino de un kavo de mundo asta otro, i todas las sivdades del mundo entero las sodjiguo (Meam Loez Ester, Izmir 1864)

kon grande regreto, en nuestra kava jenerasion , la aplikasion de nuestra relijion esta en grande dekadensia (El gid, Istanbul 1967)

los kavos savios del talmud desidaron ke en las kesiones ke estan desferensiados Rav i Shemuel, la idea de Rav deve ser akseptada en kesiones de Isur i eter, i la idea de Shemuel deve ser akseptada en kesiones djudisieras (El gid, Istanbul 1967)

Ya tomates la manya de el djidio, ke kuando lo aferan por un kavo se fuye por el otro (Shevet Yeuda, Viena 1859)

en la kamiza tenia un remendiko enel kavo dela manga ke kon eya salio ahshav de Saloniki ve-gam los kalchines ke yevava en los pies i las piernas ke estavan bien atadas (Rosh Mashbir I, Sal. 1821)

i el kiredji tenia muchas espadadas en la mano ama el tenia la kavesa kortada i no tenia otro kavo yarali (Devar Moshe, Sal. 1748)

en loke estavamos engleneando me demando la turka lefi tuma diziendo: topastesh al kavo akel djidio vuestro ke vos se aogo enel agua? (Responsa Pele Yoets, Yerush. 1993)

siendo ya avian guzaneado, los enterrimos todos dos en un kavo (Tsel 'ha-Kesef, Sal. 1872)

despues ke bitriyo echo de la ishtira mando ham Behor ... tomar la moneda de un kavo ('Hon Rav, Sal.(1777

Del kavo de los sielos es su salida, i su rodeo asta su otro kavo, (Biblia, Const. 1873)

Por toda la tierra salio su linya, i al kavo de mundo sus palavras; (Biblia, Const. 1873)

i non pudieron por ayar sus kavos; (Koelet Targum,1744)

A' djuzgara los kavos de la tierra i dara fortaleza a su rey i enaltesera el kuerno de su untado. (Biblia, 1873)

Ke ande le vino su kavo de el ombre de seer niftar de ayi es el polvo de su guf i ayi torna (P. R. Eliezer,1876)

Tres peleas fuertes son aparejados los bene Yishmael de azer en la tierra en kavo de los dias (P. R. Eliezer,1876)

sinkuenta ojales izo en la tela la una i sinkuenta ojales izo en kavo de la tela ke en la adjuntadera (Biblia, Const. 1547)

i pondras las dos sortijas sovre los dos kavos del pechoral (Biblia, Const. 1873)

tendra dos ombreras adjuntadas a sus kavos (Biblia, Const. 1873)

mijor por andar a kaza del limunio mas ke andar a kaza del konbite, por lo ke el kavo de todo el ombre i el bivo dara a su korason (Biblia, Viena 1841)

I kuando akeyos leprozos vinieron al kavo del real entraron en una tienda, i komieron i bevieron, i tomaron de ayi plata, i oro, i vestidos, i anduvieron, i lo eskondieron;(Biblia, Const. 1873)

I se levantaron al anocheser, para irse al real de los Arameos; i kuando vinieron al kavo del real de los Arameos, ek, no avia ayi ninguno. (Biblia, Const. 1873)

El ke te amara, el ke sera tuyo, va tener por seguro enverso ti una pasion sin kavo... (Rolando i Eleonora, 1953)

Gursuz, fijo de un mamzer! Ke azes al kavo de la kuedra? (Otniel Hodja, 2002)

Oyeme buen djidio, de aki endelantre, fin al kavo de su vida, tienes una devda de kiviut a este nasido, de abrevarlo siempre de baldes de tus mijores vinos. (Otniel Hodja, 2002)

i demas el non manko de harvar las puertas de algunas kompatriotas, (hemsheris), esperando sus ayudos, ma al kavo de un mez el non avia ainda obtuvido ningun rezultado. (Nantes, Tel Aviv 1952)

ninguno no puede dezir de antes ke seria el kavo de una gerra entre la Rusia i la Turkia (El Tiempo, Const. 1877)

yo tomi el partido de seguirla mizmo asta el otro kavo del mundo (Manon Lescaut, Yeru. 1906)

Todo ke ayuda a el rasha su kavo es de kayer en su mano. (Hidot de Izopeto)

Mira mi ijo, el mijor de mis konsejos es: Az lo ke azeras, ma pensa a su kavo! (Sipure Sefarad)

Vino kavo de anyo miro su tefter. Miro ke gano sien liras. (Yihya al Akra, Manus. Yerushalayim 1920)