kaveyo m.

שער

hair

arrapar los kaveyos

לעשות קרחת

arresentar los kaveyos

לסדר/להתקין את השיער

es de arrankarse los kaveyos de la kavesa

נאמר בעקבות אירוע או התנהגות המביאים לידי ייאוש

kaveyo malo

קרחות קטנות בראש

kedar por un kaveyo

להחמיץ כחוט השערה עסק טוב

kortar los kaveyos

להסתפר

no desharse kaveyos en la kavesa

למרוט שערות מרוב יאוש/צער

no le fuye kaveyo

דומה לחלוטין, אין הבדל כמלוא הנימה

no manka kaveyo

דבר לא נעדר, לא חסר מאומה

peinar los kaveyos

להסתרק

se alevantan los kaveyos de la kavesa

סומרות שערות הראש (מפחד)

tomarse kon sus kaveyos

לחפש ריב ומדון

un kaveyo, mil dukados

תגובת אשה שבעלה מבקש לגרשה: על כל שערה בראשי אני דורשת אלף זהובים!; בהשאלה: סירוב מוחלט לפירוק שותפות

ya me se izieron los kaveyos blankos

כבר הלבינו שערותי בעקבות חיים גדושי התנסויות ונסיון

kaveyo lungo, meoyo kurto (Nehama)

kaveyo i kantar no kumplen l'ashugar (Nehama)

Il kaveyo i il kantar nu kaven in el anshuar, ma bien save ande estan

La mojer tiene el kaveyo largo i el meoyo kurto

No se viene a peinar a uno ke no tiene kaveyos

La onor de la mojer es un kaveyo

El meoyo es un kaveyo

El mas chiko kaveyo aze su solombra

Penya sus kaveos i beza su frente (Gaon, Poezias)

Travan sus kaveyos rezgunian su frente (Gaon, Poezias)

a los Ahayos, de lindos kaveyos, a la asamblea, (Odisea)

No tiene mas kaveyos, no le desharon nada, aparte de kundurias i djuba envarada. ('Ha-Elion: En Kampos, 2000)

In Auschwitz mos desbarkaron, de nuestros keridos mos separaron, al banyo mos entraron, los kaveyos mos kortaron (En los kampos de la muerte, Violet i Sara Fintz, 1945)

Yeoshua muncho se atorvo, sus vestidos razgo i muncho se harvo, i los kaveos de su kavesa se los travo (Tarika, Shira Hadasha, Izmir 1861)

no kave en pendola el shiur de la amistad ke le tenia; (Meam Loez Bereshit)

konpeso adovar su kaveyo amostrando su ermozura. (Meam Loez Bereshit)

se iva adovando su kaveyo i afeitandose (Meam Loez Bereshit)

I paso de ayi i enkontro kon un varon yeno de kaveyos grandes i penso por prenderlo i non pudo kon el (Ben Gorion, 1743)

ke tanto la peruka de tu kavesa, los nezirim (ke se deshavan los kaveyos largos) ke eran apartados de visios del mundo, tanto los rikos i kondes ke son vestidos de purpura (ke se aprovechan delos visios de este mundo), (M''L Kantar de los Kantares,1899)

la seja ke tenia preta i ancha i djunta una seja kon otra, ke pegava kaveyo de la una kon la otra (Yosef Mitrani responsa II, 1645)

La seja ke era preta i avia entremedio kaveyos kastanyados (Yosef Mitrani responsa II, 1645)

No se penyan los kaveos en shabat, ma kon furcha de pelos o de naylon spesialmente de shabat ya se puede enderechar los kaveos (El gid, Istanbul 1967)

i se aparesia una presona entero arrazgado i los kaveyos de su kavesa elguengos ke le tokavan asta los piezes (Shivhe Hayim Vital, Sal. 1892)

ayi se arrapavan en akel dia i echavan los kaveyos en la lumbre debasho la kaldera (Meshivat nefesh I , Const. 1743)

gam la media barva dela vanda de la una kara tenia pelada i el kusur dela barva i las peot tenia buenas i tenia kaveos blankos i pretos karishik (Shaar Asher v.I, Sal. 1877)

su madre asenbra lo kolorado de el kuero i karne, i sangre i kaveyos i lo preto ke en los ojos ([Mishnayot], Seder Maamadot, Viena 1821)

i ek, si el kaveyo se uviere tornado blanko en la mancha klara, i paresiere mas onda ke el kuero, lepra es, ke enfloresio en la kemadura i el saserdote lo dara por enkonado; yaga de lepra es. ( Biblia, Const. 1873)

kuanto ermozo es el kaveyo de tu kavesa, toma el peine de oro ke esta en kaza i peinate kon el (Sefer 'ha-yashar, manus. sig. 17)

sus kaveyos estavan embaraniados i sus vestidos eran kuviertos de remendos sovre remendos de kolores a kolores: vedres, korolados, amariyos, pretos i blankos (El rey i el shastre, Yerushalayim 1903)

sus kaveyos estavan embaraniados i sus vestidos eran kuviertos de remendos de kolores a kolores: vedres, korolados, amariyos, pretos i blankos (El rey i el shastre, Yerushalayim 1925)

yo estava echado la kara al sielo i mis kaveos kon mis brasos i mis piernas i todo el resto de mi kuerpo estava komo atado enklavado enbasho (Guliver, Yerush. 1912)

yo me asenti en el lugar onde estava estirado, entonses yo remarki ke avia siido atado i enklavado en la tierra kon unas kuedras delgadas kuanto mis kaveyos (Guliver, Yerush. 1912)

teniendo unos kaveos endorados i unos ojos vedres, kolor de la mar de su paez (Anna Maria, Yerushalayim 1905)

ma lo ke tenia sovre todo de mas remarkavle eran sus kaveyos de una inkomparavle ermozura (Anna Maria, Yerushalayim 1905)

basho su kasketa de kadife preta metida arroves, sus kaveyos mal peinados desbordavan al entorno de la kavesa (La dezgrasiada Luiza, Tel Aviv 1953)

despues de aver bien visto dezizme si el espektakulo no es de akeos ke azen levantar los kaveos de la kavesa (Manon Lescaut, Yeru. 1906)

estava vestida de preto, tenia los kaveos entrensados en munchas chikas i delgadas kolas (Muerta de mala muerte, Yerush. 1911)

Asi gozesh Arnaldo de los mis kaveyos, (Blanka Flor)

Topo a la reina durmiendo en kaveyos destrensados. (Blanka Flor)

Los vuestros kaveyos ruvios onde los guadraresh vos ? (Blanka Flor)

segula si enkolgara sovre la anka de la mujer ke esta pariendo i tiene huerte parido si le enkolgara dito kaveo de dito perro preto o de otro perro parira lugo i asigun pare ke se lo kite lugo (manus. Papo, Sarajevo 1840)

segula para ke non podeste aynará : ke tome kaveyos de hamor preto de entre sus ojos i ke los enkolge de zahar para zahar (manus. Papo, Sarajevo 1840)

Segula si le entro en la oreja pulga ke enkashe kaveyo de perro (manus. Papo, Sarajevo 1840)

Refua para barrugas de la kara o para manchas i para ermoyeser el kaveyo i para almoranas i para sarna: es bueno azeite de guevos (manus. Papo, Sarajevo 1840)

Segula para echar los kaveyos de la mujer de akel lugar i de todo su kuerpo i ke non le tornen a kreser nunka: ke se unte kon sangre de mursiegano mesklado kon leche de mujer (manus. Papo, Sarajevo 1840)

para dolor de kavesa: se enkolgara de kaveo de onbre sovre el i pasara la dolor de kavesa kon segula (manus. Papo, Sarajevo 1840)

para mordedura de perro: ke tome kaveo de onbre i ke arremoje en vinagre i ke meta en lugar de la mordedura del perro loko i aprovechara en el punto (manus. Papo, Sarajevo 1840)

para un dormido ke no se despierte: pornas de los kaveyos de el kof ke es la maymona debasho de la kavesa del dormido; no se despertara asta ke no le kita akeyos kaveyos (manus. Papo, Sarajevo 1840)