kastigar v.

ענש, העניש; ייסר, הוכיח

Kuando kastigas a tu kriatura i se aze korlado, tien aftaha ke va (a) partir en pasos derechos

ke vuestra kovdisia por las rikezas / trokaron estos visios en virtudes presiadas?! / O el ke kastiga al rey el mas sublimo / krees ke por vos se echara al olvido? (Rekolyo de Poezias Diversas, Tel Aviv 1931)

kualo? el Todo Poderozo l Abastado / a estas indjustisias se keda kayado? / porke komo el tiempo antiguo / el kastigar non es su ovligo? (Rekolyo de Poezias Diversas, Tel Aviv 1931)

Ke tu sos el djuzgador, i kastigas i saves. (Untane Tokef)

kon gran reveyada miran a djidió. Nosotros tenemos Dio: kastigar mos kere, a eyos los fíere. (Koplas de Purim, Saadi 'Halevi. sig 19)

No kale akodrar todo lo pasado / rogaremos al Dio sea olvidado / i el Abastado / ke es buen pagador / ke kastige al pekador / al ombre djenerozo / el Dio le de repozo (La Amerika, 1911)

deves tu de kastigarlos ke no lo agan, porke es pekado grande. (Meam Loez Bereshit)

ke estonses esta azat […] para azer loke ke kere porke non ay ken lo kastige (ve-'Hohiah Avraam, Izmir 1877)

Es el shir ke disho Moshe Rabenu alav 'ha-shalom el tiempo ke se iva espartir de este mundo i kijo kastigar i doktrinar a su puevlo Yisrael (Meam Loez Kantar de los kantares, Const. 1899)

i dito akojimiento de Israel izo Yeoshua por kastigarlos kon avlas razonavles por ke siervan a el Sh.Yit. kon emuna kumplida (Meam Loez Yeoshua II, Izmir 1870)

i kativo en el mundo por kastigarlo, (Koelet Targum,1744)

kantar kuarteno disho Moshe el porfeta kuando ayego su tiempo por espartirse de el mundo i kastigo kon eya a su puevlo kaza de Israel (Shir a-Shirim Targum II, Mahzor Sal. 1876)