kapitán m.

קפיטן, סרן; ראש, מנהיג

captain; head, leader

kapitan de djugo

קפטיין של הנבחרת

kapitan de nave/de vapor

רב חובל של ספינה

kapitán polvorina

שחצן ומתרברב

Bandera vieja, onor de kapitan

Ni meza sin pan, ni armada sin kapitan

Despu?s de poko tiempo la djovena en viendo ke el serro sus ojos i ya esta durmiendo, se va a la ventana, los kapitanes yama - ('Ha-Elion: Shimshon, 2003)

enbii a Moshe Hayim en la nave de Memet Ali i lo rekomendi al kapitan ke lo mirara muy bien i no se enbarko mas djidio ayi hutz de el 'ha-r[av] Moshe (Beer 'ha-Mayim, Sal. 1836)

paso el kapitan ke su nombre Yurgakye i le pregunti: el djidio selanikli ke partio kontigo se fue le-shalom asta Iskenderia? (Beer 'ha-Mayim, Sal. 1836)

mozotros ke eramos sesh yemidjis i el kapitan i doa arelim yapidjis i katorze almas de djidios entre ombres i mujeres (Shaar Asher v.I, Sal. 1877)

i el Kara Uglan enpeso a burlar kon los moskofes, les vino fuerte, disho el kapitan ke los mataran ve-tehef mataron kon espada a los sinko djidios ('Hon Rav, Sal.(1777

i se ayego a el el kapitan de la nave i le disho: ke tienes adormesido? levantate, yama a tu Dio! (Biblia, Const. 1873)

I al resto de puevlo ke avia kedado en la sivdad , i a los adjuntados ke se avian adjuntado al rey de Bavel, i al resto del fonsado, los yevo kativos Nevuzaradan, kapitan de los de la guardiya. (Biblia, Const. 1873)

a lo kual el kapitan avia respondido al varon del Dio, diziendo: ek, si A' iziera ventanas en los sielos, seria tal koza? I el disho: tu lo veras kon tus ojos, ma no komeras de eyo.(Biblia, Const. 1873)

I el rey ordeno sovre la puerta al kapitan sovre la mano del kual el se asofria; i el puevlo lo pizaron en la puerta, i murio, komo avia dicho el varon del Dio, ke avlo kuando el rey desendio a el.(Biblia, Const. 1873)

Aun kon todo ke apalpi i bushki en todas las kamaras de la nave, kon todo esto se enkuvrio de mis ojos fina agora munchos eskondidijos en la kamara del kapitan, (Asolado en la izla, 1881)

Por grande ventura paso un vapor viniendo de Cuba del kual el kapitan era djudio i kon ayuda de la telegrafia sin filo sistema Markoni dio a entender Vilman su situasion kritika (La Amerika 1910)

izo giar la nave para un kamino de sorte ke en lugar de rendermos para la Norvejia, la falsa manuvra, la lokura del kapitan i una fuerte tempesta tambien mos echaron en las aguas del vasto osean (Perdidos en mar, Yerushalayim 1907)

los marineros forman un gizadon, un moso gizandon, un kapitan loko, un preto marango, un fierrero. un maestro de los tayfas i 7 marineros (Perdidos en mar, Yerushalayim 1907)

ma una falsa manuvra mientres toda una noche de eskuridad i una lokura del primer kapitan [...] (Perdidos en mar, Yerushalayim 1907)

un otro kapitan ke el sultan Hamid pierdreria su sangre fria delantre la violensa dela tempesta i no yegaria sin duda a salvar el navio (El Tiempo, Const. 1896)

Si no uviere kapitan, yo me pondre a la bandiera (Blanka Flor)