kantidad/kantidá/kantitá f.

כמות, סך

quantity

Kantidad de un pulgar, viene la alma a su lugar

Valia poka kuantia ke perdio sus kolores. (Poema de Yosef)

gerra grande azer en kantidad (Rebuelta de Yenicheris, siglo 18)

konbaras bastantes de gran kantidad para derrokar sivdad; no aprovecharon ninguno mataron (Zimrat 'ha-Arets, 1745)

Agora ba-avonot bario i asento i diskrepo el mundo en kantidad (Meam Loez Bereshit)

es menester ke se de akonoser la kantidad de su sensia, (Meam Loez Bereshit)

Beve del vino kantidad de 87 gramos, se lava sus manos (netila) i dize Amotsi i se asenta para komer. (El Gid,1967)

el era umilde en kantidad (El gid, Istanbul 1967)

la kantidad de azer la agala es de plonjar el aktuendo ariento la agua buyendo, i en vista kitarlo (El gid, Istanbul 1967)

ke si eskojes en el kamino de gan-eden suviras en grandeza i en sensia, koza ke non viene a kantidad (Shivhe Hayim Vital, Sal. 1892)

fue el esklavo i merko de akeyos aspros una vara para harvar a su senyor, si ay kantidad para las penas ke merese el esklavo el malo el este (Meshivat Nefesh II, Const. 1754)

se maraviavan de ver su hohma ke era sin kantidad i atorgavan en las vedrades (Meshivat Nefesh II, Const. 1754)

si es ke este barragan es patron de daat save su ereh i entiende ke aun ke el es muy barragan,? kon todo esto no se akomete a alevantar karga mas de su kantidad (Meshivat Nefesh II, Const. 1754)

por kuanto de k''r Elia e mandado kintales de plomo kon los nuestros por lo kual le pido de mersed a mi senyor primo k''r Yosef ... ke se los entrege de la kantidad ke el yeva ke e mandado yo (Responsa Mabi''t, Venezia 1629)

Estas kozas ke non a eyas kantidad: el arrinkon, i las primerias i el seer aparesido i gualardonar de mersedes i deprendimiento de Ley. (Mishna: Tefilat kol Pe 1874)

i entre kon mi estos livros para meldar en eyos , i entre kon mi kantidad de mi bivienda (Sefer 'ha-yashar, manus. sig. 17)

La prinsesa era ermoza el kuantidad ke su ermano el prinsipe era feo (Banyos de sangre, 1912)

Oh! Ke kuantidad de ermoza ke eya es, murmureo Ektor, elektrizado i apanyado por la grasia de la senyora. (Banyos de sangre, 1912)

Tambien muncho fierro ke kualo desklavaron i lo deskarrankaron las aguas i kualo ke lo deskarranki yo kon mi mano, tomi i enkargi a la shayika la kantidad ke eya pudo somportar, (Asolado en la izla, 1881)

la fatiga, la kalor i una buena kuantidad de raki ke yo avia bevido antes de salir de la nave me rondjaron al suenyo i yo me espandi sovre la yerva i dormi nientre nueve oras (Guliver, Yerush. 1912)

para arrivar a esto yo enkomendi ke me fabrikaran kuedras el kuantidad de godras posivle i de vista vente mil liliputianos fueron metidos a la ovra (Guliver, Yerush. 1912)

yo alargi al kuantidad ke pudi nuestro sejorno en el kastiyo (Anna Maria, Yerushalayim 1905)

Esto era el nombre de este mansevo ke vinimos de prezentarvos su aventura, sus dezeos sus sufriensas, la esperansa, i el kantidad ke pudo reushir en la vida.(Nantes, Tel Aviv 1952)

i savesh lektores komo son afirmados todos estos ''mozotros'' ke azen kreer a una kuantedad de eskrividores mas numerozos ke las estreas delos sielos (La Epoka, Sal. 1900)

una kantidad de nieve kayo en Yuzgadj de manera ke en manko de vente i kuatro oras las kazas ke no tenian ke sesh metros de altura desparesieron en la nieve (El Tiempo. Const. 1874)

una kantidad del aire ke ordinariamente inche una pulgada kubika inchira por todas las partes una kamara entera si fuere vaziada del aire (La eskalera, Const. 1888)

Ermoza sos en kuantida, onesteda no tienes. (Kalendario de kantigas)

A la manyana, tomo de la papelera el kantidad de arina ke se le azia de menester i ampeso a tomar la masa. (Sipure Sefarad)

les disho el rav a los haverim: azeme una rodancha enbasho kon las manos fonda kantidad ke kepo yo, i izieron komo disho el rav (manus. Papo, Sarajevo 1840)

i disho el rav al shamash: te so gozer ke me trayas en esta ora un kantaro de agua kantidad de siete okas, ni mas ni manko, i un pedaso de karvon, i no tengas miedo de nada (manus. Papo, Sarajevo 1840)

Segula i melezina para lepra: toma fojas de igos sekos i azlas menudas komo la seniza i toma tres vezes enfrente de miel limpia i buena mucho i ke lo menee endjunto i ke lo aga komo un madjun i ke koma 2 vezes en el dia en kada dia kantidad de una muez grande ke koma i el es refua grande i prevada (manus. Papo, Sarajevo 1840)

Segula para los ojos korelados mehamat de dolor: ke tome pan de semola i si no topa ke tome de resto de minim kantidad de un guevo i ke lo arremoje en las aguas yeladas i tiene de menester de arremojar luego kuando traen el agua de la huente, i despues ke ate el pan en 1 tovaja linpia i ke la meta en el peskueso toda la noche i todo el dia i ke aga en este molde 2 i 3 vezes (manus. Papo, Sarajevo 1840)