kalmarse v. refl.

נרגע, שקט

to relax

va a kalmarse, porke no puedra en ninguna manera (Odisea)

No se kere doktor yamar; ansi el ninyo se va kalmar, frios no le va tomar. (8 dias antes de Pesah, 1909)

fue despues ke se kalmaron los reveyadores ke torno a Polonia (El gid, Istanbul 1967)

i le disheron: ke te aremos para ke la mar nos se kalme? porke la mar iva i tempesteava (Biblia, Const. 1873)

tomadme i echadme a la mar, i la mar vos se kalmara (Biblia, Const. 1873)

kon un koraje i una enerjia adniravles su maestad el sultan supo parar todos los golpes dela tempesta, avrir un sendero al navio en medio delas inmensas olas, evitar los enkontros delos penyaskos i konservarlo enkanto asta ke la tempesta se kalmo enteramente i vino el ermozo tiempo (El Tiempo, Const. 1896)

No yores chodjum -No yores, no ay dingun mal, el chorbadji kijo shakalanear un poko, ayde kalmate! (Sipure Sefarad)