kalidad/kalitá f.

איכות

quality

Ropa de primera kualita (Moscona)

kruel malo infame i imprudente / de la rasa de los bandidos prezidente / son sin duvda kalidades muy presiozas / i por ser gran sinyor son muy menesterozas (Rekolyo de Poezias Diversas, Tel Aviv 1931)

Sino ke para akeos ke deja ya arrivaron a un estudio alto de la ley, i esta firme en su relijion en sus kualidades, (El Gid,1967)

De esta kualita de shir son la mas parte de las shirot de nuestra santa ley (Meam Loez Kantar de los kantares, Const. 1899)

Esta kualita de shir es mas estimado de todos (Meam Loez Kantar de los kantares, Const. 1899)

malgrado ke yo no me apronti para una konferensia, ni ke posedo las kualidades de un konferansero fui enkorajado por mis kolegas para avlarvos una chika avla (manus. Vitali Varon, Const. 1948)

en esta kualidad el eksersava una influensa desiziva sovre el partido konservator i mismo sovre el governo (El Tiempo, 1896)

su intelijensia i sus kualidades lo predestinavan a un avenir briyante (La Boz de Turkiye, 1947)

Alta de la talia aparesida kon una facha anjelika i pura, Alis tenia todas las kualidades ke azen de la mujer una kriansa adoravle (La Ermoza Alis, Tel Aviv 1954)

En un biervo, eya tiene todas la kualidades por plazerte i renderte orozo (La Ermoza Alis, Tel Aviv 1954)

A kada paso se enkontravan halvadjis, vendedores de shurup, salepchis, malebidjis, todos a un grito o a un kante alavando la kualita i la baratura de sus ropa. (Sipure Sefarad)

el padre, antes de akseptar, le demandó al mansevo: Tú keres a mi ija por su ermozura i sus buenas kalidades o pur su dota? (Kuentos, 1986)