ija f.

בת, ילדה

daughter, girl

ija únika

בת יחידה

Estash kayados komo ke vos nasiera ija (Moscona)

Ija de hazan, inyeta del guerko (Moscona)

Ija de djudio no keda sin kazar (Moscona)

Bosteja mi ija de la tripa vazia, bosteja mi nuera de la tripa yena (Moscona)

Kuando ija ay de kazar, el Dio tiena de mandar

Ijas paresan a ermanas de padre

Las ijas avlan kuando pisha la gayina (nunka)

Madre haragana kita la ija kovdisioza

La madre asil, kita ija haragana

Tener kero una ija, galana i muy komplida, en el puevlo eskojida

Ija de kazar, nave de enkargar

Mira a la madre, toma a la ija

Prime darles leche de madre i ija

Para la ija premi un mazal - para el ijo dos

La ija es amiga de la madre

Guerta i ija ande la vizina

Madre i ija por dar i tomar, son amigas

El ke ijos e ijas tiene kon perros i gatos konsuegra

La ija en la fasha, el anshuguar en la kasha

Si es la mi ija venga en los mis brasos

La ija i el Pesah nunka se atema

'Sta muncha kayades, va naser una ija sfriyada

Ben kah u-ven kah guay de la ija de Yiftah

El ke tiene ija de kazar i no la kaza, se kaza sola

Eya es un andjel, enfin es una ija kon la kuala la persona puede bivir venturoza, (Rinio, 1906)

I siendo el kito mala fama a sus ermanos diziendo ke alsavan sus ojos a ver ijas de la djente (Meam Loez Bereshit)

este pedaso de pan te do por kidushin de tu fija i lo tomo Yosef Maymon i se kayo i lo komio i (Ma'harshah [1540-1602], Saloniki 1730)

Milaniko mos da mil i kinientos as' para dar edut komo tiene kidushin kon la fija de Hamets, ke vos parese a vozotros? (Responsa, Hayim Shabetay, Sal. 1851)

desho a dona Oro fija de dona Klara ben-Shehem para ayuda de su dota sien duk[ados] (Torat Emet, Venezia 1626)

Ah ! porke eya pario a esta ija? porke la amava tanto? (Rolando i Eleonora, 1953)

Ansi era esta grande ija blonda ke kaminava de un paso de reina i ke no endenyava nunka verla. Eya o una otra, ke emportava. (Nantes, Tel Aviv 1952)