guzano m.

תולעת

worm

ay guzano debasho la mano

יש כאן כוונה נסתרת

boka de guzanos

אדם המתנבא לרע

entrar guzano

לרכוש הרגל רע

guzano de Yerushalayim

חיפושית (פרת משה רבנו)

guzano de seda

תולעי משי

kitar guzanos

אמר דברים מגונים

le entro el guzano de

נכנס לו הג'וק

no mirar muncho por guzano

'לא לחפש יותר מדי תולעים'' - לא להקפיד מדי, להעלים עין, לא לדקדק יותר מדי

Kon esta suziedad ya mos van a komer los guzanos (Moscona)

Mis karikas koroladas - mansanikas de Stambol, ariento ay un guzano ke kavaka 'l korason (Moscona)

No tengas ke azer kon este guzano (Moscona)

Le entro el guzano de djugar (Moscona)

La mansana ermoza se la koma el guzano

Desnudo komo el guzano

El ke es solo guzano de livro por seguro el no es muy savido

En pozo lo echaron, de sierpes i guzanos. (Poema de Yosef)

i su tripa es partida i su yubre es salida i su karne es komida del guzano de la tierra (Tarika, Shira Hadasha, Izmir 1861)

toda la ropa ke es kerida, ke de seda se teshida, del guzano es salida, los ke komen al onbre en la tierra (Tarika, Shira Hadasha, Izmir 1861)

ma yo so yerme i guzano, polvo de la tierra, un atuendo yeno de verguensa (Keter Malhut, Mahzor Saloniki 1876)

sale de la solombra de su sala i entra a la kamara de tinievla, se desnuda de vestido de seda i de su kamiza brozlada i se viste de yerme i guzano (Keter Malhut, Mahzor Saloniki 1876)

se tiene ke azer yerme i guzano (ve-'Hohiah Avraam, Izmir 1877)

si tiene en lugar de oja de apio, troncho (kok) es mas mijor , porke en el kok es muy raro (nadir) ke se tope guzano (El gid, Istanbul 1967)

el lenyo ke se topava en el guzano, si era en seko se alinpiava bien el lugar del guzano i era kasher (Meshivat nefesh I , Const. 1743)

disho ke no save otro ke uno era sunetli, i el sunetli tenia la kara chichekli i tenia guzanos en la boka (Tsel 'ha-Kesef, Sal. 1872)

Siempre se muy umilde porke el fin del ombre es destinado al guzano (Tefilat Imanuel, 1924)

i algunos desharon de eyo asta la manyana, i krio guzanos, i se fedio; i se ensanyo kontra eyos Moshe. (Biblia, Const. 1873)

I lo desharon asta la manyana, komo Moshe enkomendo, i no se fedio, ni uvo en eyo guzano. (Biblia, Const. 1873)

Kon muncho dolor andavos abasho i ke seas por espojo a los guzanos de la mar. (Asolado en la izla, 1881)

La saliva i la bava de el onbre el ke aze taanit si le goteara en la oreja le sarlan algunos guzanos si tiene ayi (manus. Papo, Sarajevo 1840)

Refua para guzanos ke es para lunbrizes: toma simiente de lino i lo pizaras i lo beveras kon vino o ke buya lentejas kon vinagre huete i ke eche azeite tanbien i ke koma de esto 3 dias (manus. Papo, Sarajevo 1840)

para ser eskapado de tefisa toma dela farina ke ay al derredor de los molinos sin avlar i lo traeras a tu kaza i tomaras leche de mujer i su ija ke sean todas dos kriaderas de ijo para ombre i de ija para mujer i amasa una bogachika i metela en la ornaya i ke se kozga bien asta ke se toste i kese pueda pizar polvo i de dito polvo inche una alviana ke esta aburakada de guzano i serra el burako kon tsera ... i la yevaras sovre i seras eskapado de tefisa (manus. Papo, Sarajevo 1840)

para saver de ken es el devedamiento de el prenyes: ke urine kada uno en un tefsin i ke mete en dos atuendos en un lugar asta 3 dias u el atuendo ke avra guzanos de akel es el devedamiento (manus. Papo, Sarajevo 1840)