grado (2) m.

דרגה, מדרגה, מעלה, רמה, מידה; מדחום; הוקרה, הערכה

degree, grade, level; thermometer; appreciation

abasharse al grado de demandar tsedaká (ebr.)

להשפיל עצמו ולבקש צדקה

To humiliate oneself and beg for charity

al d'alkavo grado

בצורה קיצונית, בצורה עילאית

Extreemly, in a supreme manner

alkanso a tal grado ke

הגיע למדרגה כזו ש-

Reached such a stage that...

de alto grado

בכיר

Senior / high

entrar en grado

לקבל הוקרתו של ..

To receive the appreciation of...

estar en grado

להיות מסוגל

To be capable

estar en negro grado

להיות במצב קשה

To be in a difficult situation

está en buen grado

התקדם יפה

Progressed nicely

fina ke grado?

עד כמה? באיזו מידה?

To what extent? / To what degree?

ir kon grado/a grado a grado

להתקדם בהדרגה

To progress gradually

la agua buye a 100 grados

המים רותחים ב-100 מעלות

Water boils at 100 degrees

meter el grado

למדוד את החום

To measure the temperature

suvir de grado (en la armada, en la administrasion)

לעלות בדרגה

To be promoted / to go up a grade

tomar en grado a uno

להעריך מישהו, לחוש כלפיו אהדה

To appreciate someone, to feel sympathy toward them

vino de diez grados

יין של 10% אלכוהול

10% alcohol wine

grado la kayentura le suvio a 39 grados (Nehama)

las kozas vinieron a tal grado ke .. (Nehama)

Alkanso a tal grado ke [...] (Moscona)

La agua buye a sien grados (Moscona)

Toma el grado i amezurate la kayentura (Moscona)

I non suvas kon grados sovre mi ara (Moscona)

Todo lo ke vas azer bueno o negro azelo kon karar porke si pazates del grado te azen yorar

mos traigas en este grado ke te sirvamos noche i dia. (Toledo, Koplas de Yosef)

a tu puevlo el desdichado, desendido en basho grado, (Toledo, Koplas de Yosef)

Ansi van a tener el kudiado i el tino en los de debasho de eyos por azer kumplir kada uno a su grado. (M''L Kantar de los Kantares,1899)

Siempre va dezeando de ir suviendo de grado en grado, i kuanto mas se va santifikando su alma, mas va keriendo santifikarse. (M''L Kantar de los Kantares,1899)

i entravan sus ermanos los koanim i se enkorvavan i salian, venian i se paravan sovre grados de patio ([Mishnayot], Seder Maamadot, Viena 1821)

a tal grado ke puedian tomarlas komo ermanas. (La dam o kamelia)

Solamen­te, la djovena dukesa ya se topava al tresero grado de la hazinura de la tekia (La dam o kamelia)

eya posedava el mas alto gra­do el arte de azer despareser este olvido de la natura kon el semple aranjamiento de las kozas ke eya vistia. (La dam o kamelia)

Al mizmo grado ke las bravuras de los kombatientes de la 'Haganah, la sufriensia de los sesh miliones kontribuo a darle el dia. (La boz de Turkiye, 1948)

Kontinuando, disho el ministro Rabin ke en siertos stokes de munisiones militares arrivimos a un grado non mas manko grave de loke era antes de la gerra de Kipur (Luz de Israel, 1985)

Despues la garganta fue eskapada de kuzir, la kamara fue metida en un grado de kaentura segun lo dezeava entender el mediko (El muerto ke esta bivo, 1912)

mi kerida, respondio el marido en sonriendo, yo estava a tal grado de hazino ke ya vide al guerko entrar de la puerta (El Djugeton 1917)

si savesh asta ke grado somos povres! (Anna Maria, Yerushalayim 1905)

eya poseda el mas alto grado el arte de tualeta i adjuntando su grasia i ermozura al luso de su tualeta (Anna Maria, Yerushalayim 1905)

La suerte de los kristianos la merekiava tambien al mas alto grado (Gul Bahar, Tel Aviv 1953)

Charlie Chaplin ke arrivo a el mas alto grado de reushitad kon su oltimo filmo ''Limelight'' (Las luzes de la shena) ke es prezentado las oltimas semanas en Israel, arivo en Amerika antes 41 anyos, de edad de 23 anyos. (La boz de Yerushalayim, Yerush. 1953-4)

Charlie Chaplin ke arrivo a el mas alto grado de reushitad kon su oltimo filmo ''Limelight'' (Las luzes de la shena) ke es prezentado las oltimas semanas en Israel, arivo en Amerika antes 41 anyos, de edad de 23 anyos. (La boz de Yerushalayim, Yerush. 1953-4)

El termometro markava sinko grados debasho de zero (La linda Anjela, Tel Aviv 1953)

nuevos adjentes de kambio le empesavan a azer konkerensia, i su echo se empesava a destruir, a grado ke del dia ke su mujer paria la tresera kriatura, en la kaza de sin. David no avia ni agua kaente. (La famoza kantadera, Tel Aviv 1950)