goy/goyá (ebr.) m./f.

גוי (במיוחד מוסלמי)/גויה

gentile (especially Muslim)

Moshe komo era djidio, non kijo tetar de goy sinon de la su madre (Koplas de Par'o, 1901)

Shorrada se entra oy kon esta grande gerra / djidio, turko i goy kaye muerto en tierra / la mizeria aki entra / i se yeva afriision / kuando avra eskapasion / de esta matasina / ke trayen las ruvinas (La Amerika, 1915)

No se aboke el djudio delantre el goy no sea ke le machuke su kavesa (Menorat 'Hamaor, 1762)

Si demanda el goy: onde andas? Le anche el kamino (Menorat 'Hamaor, 1762)

Si en la suvida si en la abashada no sea el djudio abasho i el goy por arriva (Menorat 'Hamaor, 1762)

si se topo un livro en mano dr goy son ovligados de merkarlo por su valuta o un poko mas para ke no venga a menospresiarlo (Meam Loez, Devarim II, Const. 1773)

estando en las oras trusho un kaikchi goy un muerto arrastando por la mar atado kon una kuedra en el kaik (Bene Avraam, 1773)

paso un goy i tiro un tiro de krushum i le vino enel korason (ve-'Hohiah Avraam, Izmir 1877)

Goy ke aze algun konbite por algun achake de boda ke kazo al ijo i konbido a los djudios de la sivdad, aunke komen i beven kada uno de lo suyo i sus servisiales sirviendo delantre de eyos kon todo esto es pekado (Meam Loez Ester, Izmir 1864)

Ma kon todo esto se konto komo ke komieran bishule goyim por ser ke estavan en la kaza del goy (Meam Loez Ester, Izmir 1864)

asegun vemos en los goyim ke sus entendidos de eyos les izieron livros de kozas de dereh erets i rijos del mundo para ke puedan bivir enel mundo (Meshivat nefesh I , Const. 1743)

un dia de alhad estando ensentado en la puerta de su kaza vino un goy Shari Yuli ke vende algodon alas mujeres (Rosh Mashbir I, Sal. 1821)

disho [...] a los goyim: tanto pan i sa ke komistesh kon mi ermano (Bet David, Sal. 1740)

le disheron goyim a tu ermano lo mataron i estuvo kuanto zeman en la nishaba echado (Bet David, Sal. 1740)

otro turko goy ke disho ke estava al nalbant dukyeni (Hikre Lev I, Sal. 1853)

ke fue grande maraviya ke uvo en dita ferkata 16 goyim i 3 djidios no paresio otros ke los 3 djidios i 2 goyim, ke fue grande milagro (Responsa, Hayim Shabetay, Sal. 1851)

estando en la Moria vino un goy yavan i konto dela perdida del navio (Responsa, Hayim Shabetay, Sal. 1851)

Sekana ken ke espanta a la kriatura kon dizilde ya viene el gato o el perro o el goy, luego la kelipa es fayada i le puede venir danyo a la kriatura i tanbien aze mancha en su alma (manus. Papo, Sarajevo 1840)