fuerte adj.

חזק, חסון, קשה, עז; נמרץ, תקיף, סמכותי; נוקשה, קשיח, קשוח, חמור; שובב

strong, sturdy, hard, fierce; vigorous, firm, authoritative; stiff, hard, tough, severe; naughty

ninyo muy fuerte

ילד שובב שקשה להשתלט עליו

venir a fuerte

לקחת זאת ''קשה''

huerte

217380

frío huerte/kalor huerte (Nehama)

es fuerte de espartirse de los ijos (Nehama)

Tres kozas fuertes : Echar i no durmir, azer i no agradeser, esperar i no venir

El mas fuerte ombre tapa la tierra

Kuando el mansevo se va por lo veinte se aze un leon fuerte

Asta la muerte vida es fuerte

El riko i el povri, il fuerti i el flako, todos si van egualmente a la muerte (o a la fosa)

Las paras presto se esparzen ma muy fuerte se rekojen

El vinagre fuerte aze danyo a su tinaja

Agro huerte se aze danyo de si para si

De los rios fuertes no es d'espantar

Todos los empesijos son fuertes

Mas fuerte es de pensar ke de lo pasar

i todo se tembla de su fuerte chio (Gaon, Poezias)

grande, pezgada i huerte, kon eya sumete en su sanya (Odisea)

Mira komo Rinio es ermoza, es biva, es alegre, es fuerte, (Rinio, 1906)

por los fuertes travajos ke les dio kon tuvlas i barro. (La segunda Ester, 1911)

Shimshon, esta en prezio en sus sivdad, i eyos, fideles sivdadinos i buenos Pelishteos, se konsentian fuertes, en alto, viktoriozos, ('Ha-Elion: Shimshon, 2003)

La azera mas fuerte i muy mas dechidida, de garrear la gerra i a kedar en vida? ('Ha-Elion: En Kampos, 2000)

Yehuda el fuerte komo osos i toros, (Poema de Yosef)

La fanbre era fuerte en toda la tierra, (Poema de Yosef)

ke mos de gozo i alegria fuerte de Israel. (Toledo, Koplas de Yosef)

kon vinagre fuerte i limon ke salieran bien agritas, (Gizados de berendjena, siglo 18)

Nes ke le izo el hay temerozo i fuerte ke el senyor de Mordehay lo libro de muerte (Purim, De-Fes, sig. 18)

Enperador fuerte kon grande suerte (Purim, De-Fes, sig. 18)

Hazak komo el leon, fuerte se tuviera, para azer galeon kiereste trushera; (Zimrat 'ha-Arets, 1745)

No lo puzo en miente su korason fuerte. (Zimrat 'ha-Arets, 1745)

Fuerte era por ser uno fueron adjuntados. (Donme, sig 18)

hayre no ay de eskapar de la muerte, grandes i chikos kaen en esta suerte, anke sea tan fuerte komo el si' de Moshe (Tarika, Shira Hadasha, Izmir 1861)

Ya es tiempo ke mos levantemos / i la bandiera de Tsion alsemos / azer en el mundo djudio una yamada /por rekojer una fuerte armada (La Amerika, 1916)

sus modestia, sus atamiento a la relijion / damas i senyores formavan una fuerte lejion (manus. Vitali Varon, Const. 1948)

huerte echo se le rizo en muy pokos dias / todo este bien ande lo tenias? / para ke lo kerias / sirviendo al malhut / apanyen asta el bahur / de 'Haman el nieto / ya lo vimos muerto (manus. Teza, 1820)

i parese koza muy fuerte en ojos de la djente, (Meam Loez Bereshit)

lo tuvieron tan fuerte kuanto el dia ke se izo el bezero. (Meam Loez Bereshit)

Al otro dia desho akel maamar, i tomo otro maamar, i lo topo mas fuerte ke el primero, (Shivhe 'ha-Ari, 1911)

Un dia, en estando el rav ribi Hayim estudiando en el Zohar, topo maamar fuerte ke avian munchas kushiyot, (Shivhe 'ha-Ari, 1911)

i avia aire fuerte i le alevanto las aldas de el vistido i se vido el sako (manus. Minhat Ani, Yerushalayim 1880)

vieron los ermanos ke la gezera esta fuerte i no saven komo va el gezar a-din (manus. Minhat Ani, Yerushalayim 1880)

En anyo de 5364, me hazini yo mezmo una hazinura muy fuerte, i estuve karal de vente i un dia sin ningun konsentimiento de todo punto (Shivhe Hayim Vital, Sal. 1892)

huerte es de oprimir al yetser ara, ama es echo de un punto i lo eskapa de la muerte vedradera (Pele Yoets I, Viena 1870)

en esto ke kedo un poko el aire izimos velaz, no kaminimos sinko, sesh milias de mar i mos aferro otra vez la fortuna, mas fuerte de antes (Rosh Mashbir I, Sal. 1821)

en loke salimos afuera de Retimo mos aferro una fortuna muy fuerte i aferrimos tierra asta ke kedara la fortuna (Rosh Mashbir I, Sal. 1821)

i mos estavamos mirando uno al otro i akushluk le disho mi reis a el reiz del Sakis kaik: akoje las velas ke va a venir bora fuerte (Beer 'ha-Mayim, Sal. 1836)

i el Kara Uglan enpeso a burlar kon los moskofes, les vino fuerte, disho el kapitan ke los mataran ve-tehef mataron kon espada a los sinko djidios ('Hon Rav, Sal.(1777

Muger de gracia sustenta honra, y los fuertes sustentan riqueza. (Biblia de Ferrara, 1553)

No muchiguesh avlando altigueza, altigueza. Ni salga palavra fuerte de vuestra boka. (Biblia, 1873)

Yerva shavonal porke eya vinia? Para aformoziguar kon eya a la unya por ke fuera fuerte. (Mishna: Tefilat kol Pe 1874)

I de todas las males ke pasaron sovre Avraam no le vinieron tanto a fuerte kuanto le vino a fuerte esto (P. R. Eliezer,1876)

Tres peleas fuertes son aparejados los bene Yishmael de azer en la tierra en kavo de los dias (P. R. Eliezer,1876)

Mas lejeros ke agilas, mas fuertes ke leones (Biblia, Const. 1873)

Me eskapo de mi enemigo fuerte, de mi aborresedores, porke eran mas fuertes ke yo (Biblia, Const. 1873)

e bos ensacada e bos que non ҫesaua palabras fermosas, bos muy fuerte e truenos espantables, e con llama paresҫiente, e con lluvia cayendo, e ella aҫendiente en altura de siete ҫielos, (Midrash aseret adibrot, manus. Sig 15)

i era Nimrod barragan grande i fuerte i el fue el primer barragan ke uvo en la tierra (P. R. Eliezer, 1876)

mas lejeros ke agilas, mas fuertes ke leones. (Biblia, Const. 1873)

Ma kedo en fortaleza su arko, i se esforsaron los brasos de sus manos por las manos del fuerte de Yaakov; (Biblia, Const. 1873)

I les disho: del komedor salio komida, i del fuerte salio dulsura, I no pudieron deklarar el enigma en tres dias. (Biblia, Const. 1873)

Ma kedo en fortaleza su arko, i se esforsaron los brasos de sus manos por las manos del fuerte de Yaakov; (Biblia, Const. 1873)

Entonses izo podestar al remanesido sovre los fuertes del puevlo; A' me izo ensenyorear sovre los barraganes. (Biblia, Const. 1873)

Del fuerte ke te krio te olvidaste, i te olvidaste del Dio tu Kriador. (Biblia, Const. 1873)

I dira: onde estan sus diozes, el fuerte en ke se abrigaron: (Biblia, Const. 1873)

Porke el fuerte de eyos no es komo nuestro fuerte, i de esto nuestros enemigos sean djuezes. (Biblia, Const. 1873)

si su fuerte no los uviera vendido, i A' no los uviera entregado? (Biblia, Const. 1873)

Te engordaste, te engrosaste, te kuvriste de sevo; i desho al Dio ke lo izo, i menospresio al fuerte de su salvasion. (Biblia, Const. 1873)

A estos dos diozes fuertes se enkorvan i a vozotros vos sierven! (Asolado en la izla, 1881)

La Turkia tenia agora menester de dos bien grandes i fuertes naves. (Leonidas el nadador, 1911)

Supito, vino un soplo fuerte de aire, traendo kon el la luvia. (Otniel Hodja, 2002)

dos anyos se pasaron ansi, el dezdichado del marido kayo subito hazino de una fuerte puntada (El Djugeton 1917)

Al ultimo, un aksidente de un fuerte aire izo abandonar la esperansa de arrivar a Londra i sr. Vilman kon todo el ekipajio se topava en grande perikolo (La Amerika 1910)

Sr. Vilman se okupa kon konstruir una mas fuerte makina afin de arrivar al eskopo mas tadre (La Amerika 1910)

Non viendo ke esta idea en el mundo, i konvensido, kelos fuertes i los enfluentes son los viktoriozos en la vida, i sigun el, ya bastava de kerer por pueder (Nantes, Tel Aviv 1952)

De esto rezumemos ke la kestion djudia sera la mas fuerte por azerla traer a ser djuzgada en la konferensia de la paz (La Amerika, 1917)

madam de Mino, grande i fuerte, a ojos briyando de un fuego sombre bella i deziravle, ainda en su maturidad, despiegava una amabilidad ekstrema en dando de su parte a los unos i a los otros, ranseniamientos atristados i pesimistas (La sinyatura del kontrato, Yerushalayim 1907)

el shastre dio dos fuertes punyos sovre la kavesa del portalero gritando i esklamando de ravia (El rey i el shastre, Yerushalayim 1925)

un fuerte amor se apatrono en mi kuerpo por el i a todo presio yo devo tomarlo (El prove doktor, Const. 1904)

a la vista de la ermoza muchacha el sintio una de akeyas grandes i fuertes emosiones ke se sienten muy raramente en la vida (La Epoka, Sal. 1900)

yo me meti a echar gritos tan fuertes ke todos estos chikos animales empesaron a fuirsen korriendo del espanto i dando una fuerte meneada (Guliver, Yerush. 1912)

una fuerte luvia avia kedado de kayer i todos los kayes estavan adientro la agua (El Alakran, Tel Aviv 1954)

Teniendo el desdenyo de onor diziendose ke bastava de ser fuerte i trionfar un dia. (Nantes, Tel Aviv 1952)

segun un despachio ke el Times resivio de Viena los turkos ya se topan bastante fuertes por pararsen en kavzo de una gerra a un atake de los rusos por parte del Danubio (El Tiempo, Const. 1877)

los inglezes okuparon una pozision fuerte (El Tiempo, Const. 1896)

a las vezes la mas fuerte manera de niegar una koza es atorgarla en ironia i en konsentiendo ironikamente kon uno ke avla sin razon (La eskalera, Const. 1888)

despues de arekojerse a la oda, Israel el tanteladji sintio fuertes empujos. (Sipure Sefarad)

De aki es razon ke tome el ombre konsejo de no tener havra kon mas huerte ke el. (Hidot de Izopeto)

Torno i les demando otro helek porke so mas huerte ke vozotros i el ke no se kontenta me arravio kon el i lo mato. (Hidot de Izopeto)

Huerte Haim! Diz ke la merkates dafka para burlarte de mi! (Sipure Sefarad)

segula para la mujer ke tiene huerte parto: ke beva de la urina de su marido (manus. Papo, Sarajevo 1840)

segula para la mujer ke tiene huerte parto: ke beva lo blanko del guevo kon leche de mujer (manus. Papo, Sarajevo 1840)

segula para la mujer ke tiene huerte parto: ke le de a bever soa de kavayo seka kon agua o kon vino sin ke lo sepa lo ke es (manus. Papo, Sarajevo 1840)

segula para la mujer ke tiene huerte parto: ke le safumee kon estierkol de palonbas (manus. Papo, Sarajevo 1840)

Segula para dolor de dientes: ke tome guesos de gayo sekos i ke los muela bien i ke los meskle kon vinagre huerte i ke se meta en la boka (manus. Papo, Sarajevo 1840)

Segula para dolor de kavesa: ke tome trigo de shual i ke kuzine kon vinagre huerte i aprovechara kon ke se meta en la kavesa asta ke sude (manus. Papo, Sarajevo 1840)

Segula para dolor de potagra: ke tome ojas de sa[m]buko, ke meta sovre las brazas asta ke se kayenten bien, despues ke las echa betoh de vinagre blanko i bueno i huerte i ke se meta sovre lugar de la dolor, se melezinara (manus. Papo, Sarajevo 1840)

Segula: si metera hardal sovre el vino non se ara huerte i kedara dulse (manus. Papo, Sarajevo 1840)