fonksionario (fr.) m.

פקיד ממשלתי, ממלא תפקיד, בעל תפקיד, עובד מדינה

government official, functionary, civil servant

la responsabilita veramente grande de esta situasion perikuloza reviene en primer lugar a muestro famozo konsilio komunal ke non aze la minima tantativa por kontrolar todo loke se esta aziendo, por las diversas komisiones i por los diversos funksionarios (Renasensia Djudia, Sal. 1920)

[el rey] metio governadores i fonksionarios en kada sivdad i sivdad i en kada provinsia, i es kon sus dichos ke salen los djuisios a luz (El rey i el shastre, Yerushalayim 1925)

desde la advenimiento al trono de su maestad el kzar Nikola II kreen remarkar onde los ministros i los altos fonksionarios del estado un kambiamiento de dispozisiones muy favoravle a los djidios (El Tiempo, Const. 1896)

ma ke al kontrario, eyos tomen la defensia del fonksionario el kual esta inchendo su mision en kondisiones bastante diffisiles. (Manifesto de Lishkat a- Avoda, Tel Aviv 1950)

no vamos a permeter a ke los fonksionarios de la Lishka sean ekspozados a un malo tratamiento de parte los sin-lavoro. (Manifesto de Lishkat a- Avoda, Tel Aviv 1950)

Rogamos a todos los ke tienen menester de lavoro, ke en el kavzo de agresion kontra un fonksionario de la Lishka ke no keden indiferentes, (Manifesto de Lishkat a- Avoda, Tel Aviv 1950)