fondar v.

ייסד, יסד, ביסס, הקים, כונן

to found, to establish

Gritad biva Gazi bey kon su kompania / fondaron la libertad i la alforia / toda la Turkia se izo ermandad / tambien igualidad / kon turkos i kristianos / semos komo ermanos (La Amerika, 1911)

Kondes de nuestra nasion muncho ya penaron / sosietas para union eyos ya fondaron / munchos mos yamaron / no podimos ayudar / agora devemos kudiar / mos aremos sionistas / i devenir kolonistas (La Amerika, 1911)

Tanto riko i eznaf se van okupando / tomaron muevo medjlis todos ayudando / otros van pensando / eskolas de fondar / al prove adelantar / porke vaya adelantado / nuestro puevlo alavado (La Amerika, 1911)

sovre tres kozas es el mundo fundado: sovre la ley, i sovre el sakrifisio, i sovre el bien fazer. (Pirke avot, siglo XV)

Estonses fondaron en Alemania eskolas de la Ley del Dio, komo antes, este rabi Kalonimos fue sus kapo. (Vaye de los yoros, 1935)

En 1866 los djudios de Austria ke avian vinido a bivir a Turkiya, fondaron una sinagoga de tavla ande se topa oy la sinagoga de Yüksekkaldinm. (Shalom, 2007)

Para fondar aki, los djudios de la Austria ayudaron muncho materialamente. (Shalom, 2007)

Kale ke sepan ke Marsella pasa por ser una sivdad fondada por gregos ke tuvieron partido de Focha, chika sivdad a dos oras de Izmir. (Leonidas el nadador, 1911)

muy kapache, Moris, el ijo del merkader parvenia en sinko anyos a fondar una grande fabrika de asukar (El Djugeton 1917)

A la seguita de el memoravle fuego ke devasto el anyo pasado la sivdad de Saloniko, una organizasion fue fondada en nuestra kolonia soto el nombre de ''Sephardic relief committee'' (La Boz del Puevlo, 1918)