fiesta f.

חג, חגיגה, מועד, יום טוב; שמחה,מסיבה, כרה

holiday, celebration, feast; joy, party, pillow

fiestas

חגים, חגיגה, הילולה, שמחות

para fiestas i alegrías!

איחול ללובשבגד חדש: תזכה ללבשו בחגים ושמחות!

El kalsado mo lo vo estrenar para las fiestas (Moscona)

El buen vino asta la fiesta

i ordenan fiestas dansas i tanyeres. (Gaon, Poezias)

i ansi se viene terminar la fiesta. (Gaon, Poezias)

Es una fiesta, o boda? Porke un kombite d'amigos (Odisea)

la natura entera esta en fiesta. (Rinio, 1906)

por fiestar nuestras fiestas kon algria. (La segunda Ester, 1911)

siempre en fiestas mos veremos i mos vijitaremos (La segunda Ester, 1911)

Si demando una kopa me dezis ke tengo kulpa, ke se guadro por la fiesta en una limpia sesta: Si keresh una rota ya la tenesh aki pronta. (8 dias antes de Pesah, 1909)

Nos das los envigorantes aires las tempestas / ke los desho azer mis karas koloradas / i mi alegria es dulse komo la de fiestas / i mi korason late un kante de enamoradas (La Amerika, 1917)

kijo azerle una fiesta, una kaldera de papara (Toledo, Koplas de Yosef)

Sea bendicha en eya fiesta de demanyana i de tadre a nos i a todos Israel. (El Dio alto)

Arelim venía ke no avía kuenta por entrar en la sivdat azer una rebuelta, por no desharmos ni menor ni fiesta; el Dio, baruh 'hu, les izo la buelta (Kalumnia de sangre, sig 18)

Dia de fiesta ya es de grande memoria / toda sorte de nasion eskrivio la estoria / esta grande gloria ke venimos renkontrar / fue koza de enkantar / los djurnales lo eskrivieron / munchos no se kreeron (La Amerika, 1911)

kuando estan asentados en alguna fiesta si ven entrar algun prove lo gritan i lo echan (Meam Loez Bereshit)

Ma si ay luvias, es ekseptado (muaf) de la Suka, aparte de las dos primeras noches de la fiesta. (El Gid,1967)

es mitsva de envisiar en las fiestas (El gid, Istanbul 1967)

reverendos rabinos i muy onoravle asistensia, antes de kloturar nuestra fiesta, me es un grande plazer de tomar la palavra en esta santa tribuna (manus. Vitali Varon, Const. 1948)

Es ke es tanto terrivle el asistir a una fiesta ke vo a dar en mi palasio? (Rolando i Eleonora, 1953)

Emperia organizo su fiesta en el entervalo de tres dias solamente. (Rolando i Eleonora, 1953)

El dia de la fiesta kuando, verso las sinko despues de mediodia, todo ya estava pronto. (Rolando i Eleonora, 1953)

Ansi dunke es por ke yo asista a esta fiesta ke izites trayer esta djoya? (Rolando i Eleonora, 1953)

Dirian ke era un dia de fiesta: los vendedores de pasticheria, de konfites, de limonada i de munchas otras kozas ainda, todos inchian el lugar i todos estavan aziendo muncho trato. (Leonidas el nadador, 1911)

Ma por kavod de Shabat i de la fiesta eyos vinieron bien vistidos i kaje non-bevidos. (Otniel Hodja, 2002)

en okaziones de fiestas komo espozorios, bodas, minyan, eyas no mankan en la meza, solo ke las balabayas ya se topan remedio. (La mujer sefardí de Bosna, 1931)

kuando ay fiestas, moadim, vienen delikatezas de masa en tipo de pastel solo kon mas karos materiales komo son las borrekitas de karne i kezo (La mujer sefardí de Bosna, 1931)

en la siudad de Mesh'hed ... mataron munchos judios akuzandolos de aver degoyado un perro en un dia de fiesta relidjioza de los persanos (El Tiempo, 1896)

La fiesta se empeso kon la Marshe Nasional, entonada por una diezena de jovenas ijas, delante el drapelo de la Republika alsado sovre la esena i ke la asistensia eskucho en pies. (La Boz de Turkiye, Istanbul 1948)

la reina Viktoria eksprimio el dezeo de atrazar la fiesta jubilaria de su advenimiento al trono asta el akumplimiento eventual dela sesenyina anyada de su reino (El Tiempo, Const. 1896)

La fiesta de oy no se embarara nunka de la memoria siendo eya me valio a konoser una ninya komo vos (La Ermoza Alis, Tel Aviv 1954)

La fiesta era dada a la okazion de la fin de los estudios de los elevos (La Ermoza Alis, Tel Aviv 1954)

kuando se izo fiesta, asuvio ribi Meir a Yerusalayim i se fue a pozar en la kaza de ribi Yeuda el gizandon. (Kuentos de Yerushalayim, 1923)

Maase en ribi Meir ke suvia a Yerusalayim en kada fiesta i fiesta, i pozava ande Yeuda el gizandon, (Kuentos de Yerushalayim, 1923)

Afitava dias de echo flako, ma las semanas antes de las fiestas no se dava a mano. (Sipure Sefarad)