espandirse v. refl.

התפשט

to be scattered

La hazinura del iliterato es muy grande porke inyoransa presto i kolay se espande

I entindio estonses de ke se espandia un guezmo de asado de noche i de dia. ('Ha-Elion: En Kampos, 2000)

Vide a el sol ke se espandio, pensi en mi korason ke era el Dio. (El rey Nimrod)

Se espandio el filo santo kavako en gulgata (Donme, sig 18)

Sus luyto se espandio en todos los paizes ande parvino esta novedad. (Vaye de los yoros, 1935)

La manyanada esklaresio i el aire kedo de su ravia, i mis ojos se espandieron a la facha de la mar por bushkar a la nave i mas ningun senyal de eya no se vido. (Asolado en la izla, 1881)

Kon mis manos tremblando le inchi el vazo i se lo espandi. (Luz de Israel, 1985)

la fatiga, la kalor i una buena kuantidad de raki ke yo avia bevido antes de salir de la nave me rondjaron al suenyo i yo me espandi sovre la yerva i dormi nientre nueve oras (Guliver, Yerush. 1912)

una vez ke el fuego se resiende el puede espandirse en todas las partes de oriente i traer un terrivle degoyio en esta partida de mundo (El Tiempo, Const. 1877)

kreen ke la kriza se espandira al ministro entero (El Tiempo, Const. 1896)

todos los gazes son muy elastikos, kere dizir tienen la propiedad de espandirse i dezminuirse en tamanyo segun estan menos o mas komprezos (La eskalera, Const. 1888)