esforsarse v. refl.

התאמץ, השתדל, התחזק; התאפק

to strive, to strengthen; to hold back

Me esto esforsando a konvenserlo (Moscona)

se esforsa i akude surmontar sovre la nuve. (Gaon, Poezias)

Se dechidio, portanto, de no dezesperarse, de aprovar de muevo, i de mas esforsarse, ('Ha-Elion: Shimshon, 2003)

Se le tuersio la spalda de tanto esforsarse, de lenya la estanyan, si oza apozarse. ('Ha-Elion: En Kampos, 2000)

Se esforsavan djuntos kon amor ekstremo, a exekutir el orden del Ser Supremo. (Im afes, Papo 1894)

Esforsose Aman en ese estante (Koplas de Purim, 1545)

I una noche le disho ''Eliau a-navi behalom: esforsate i enfortesete en la Ley i las misvot, (Shivhe 'ha-Ari, 1911)

Se esforso a dezonorarlo el nombre de Arambam. (El Gid,1967)

La Mitsva de la Suka es de komer i bever ariento de eya, i esforsarse a morar en la Suka todos los siete dias, sea el dia komo la noche. (El Gid,1967)

Agora mis ermanos estremesedvos por vuestros keridos ijos, enfortesedvos por vuestras kriaturas, apiadadvos i esforsadvos sovre esto. (Lel Shimurim, 1819)

ma uvo selozos entre los chikos rabinos en partikularmente el rav Shemuel de Bagdad, ke lo selo de ver su grandeza i se esforso a dezonorarlo (El gid, Istanbul 1967)

I Yosef no podia esforsarse delante de todos (Biblia, Const. 1873)

Ma kedo en fortaleza su arko, i se esforsaron los brasos de sus manos por las manos del fuerte de Yaakov; (Biblia, Const. 1873)

Ma kedo en fortaleza su arko, i se esforsaron los brasos de sus manos por las manos del fuerte de Yaakov; (Biblia, Const. 1873)

Me esforsi, dunke, de saver algo mas: De ande vienes, ijiko mio? Onde esta ''ande ti''? Onde keres yevar mi kodrero? (El Princhipiko, 2010)

en aziendo bien atension i en esforsandome a meterme de lado para no tener harvados los ojos por los rayos del sol, yo vide chikas kriaduras mas chikas muncho de kuklas (bunyekas) ke kaminavan kon lansas en las manos (Guliver, Yerush. 1912)

Ma el, malino de su natura, siempre topava ombres de su karakter, i se esforsava por mostrarse lo ke yaman baal teshuva (El Djugeton, Const. 1908)