entendido adj.

מומחה; חכם, נבון; מובן

expert; wise, prudent; understood

bien entendido!

כמובן! בוודאי!

médiko savio i entendido (Nehama)

Es muy entendido en la ley (Moscona)

Es un ombre entendido (Moscona)

Karidad bien entendida nunka esta eskondida

entendido de gran sensia, kerido de el Abastado, (Toledo, Koplas de Yosef)

Ensende un orno bien ensendido! ataldo kon kuedras, porke es entendido! (El rey Nimrod)

Ke sean savientes, tambien entendientes, para konoser lo ke a de konteser, es profetezia kon mas demazia. (Zimrat 'ha-Arets, 1745)

Kavod a ribi Nahum devemos de darle / todo va enderechar kale ayudarle / el Dio va pagarle / a este buen pastor / del povre es amator / del Dio fue eskojido / este savio i entendido (La Amerika, 1911)

Bien entendido ke se aparejavan / para el dia santo del sesh de Sivan / para salir delantre del Dio despierto / en medio del grande temerozo dezierto. (Ketuba, manus. Rodosto 1931)

ke era muy savio i entendido, ke alkanso a saver de todo lo ke ay en los sielos i la tierra (Meam Loez Bereshit)

Bien entendido esta amor no es muy kumplida, una vez ke es kon desplazer. (M''L Kantar de los Kantares,1899)

la merkansia es un esklavo mansevo, ermozo i bueno i entendido (Tokpo shel Yosef, Yerush. 1887)

non komo las mujeres las mitsriyot son las djudias, ke siendo son savias i entendidas komo si fueran komadres (Meam Loez Shemot I)

i el ombre entendido perkura de sakar akeya sensia fuera de su korason de potensia en akto komo sakan la agua ke esta eskondida en la tierra (Hovot 'ha-Levavot, Const. 1569)

i dito rey de Yerushalayim siendo era savio i entendido no se atrivo por pelear kon los givonim, el kon su fonsado (Meam Loez Yeoshua II, Izmir 1870)

despues de esto anduve serka de un endevino grande ke era muncho entendido de azer refuot en kozas danyozas (Shivhe Hayim Vital, Sal. 1892)

asegun vemos en los goyim ke sus entendidos de eyos les izieron livros de kozas de dereh erets i rijos del mundo para ke puedan bivir enel mundo (Meshivat nefesh I , Const. 1743)

i por muy savios i entendidos ke sean i tengan buena 'hahana, kon todo esto, no es razon de peskuzar en kozas ke son muy ondas (Meshivat Nefesh II, Const. 1754)

i se tienen por djente grande ke mas entendidos ke eyos no ay (Meshivat Nefesh II, Const. 1754)

Apañan en verano, hijo entendido, adormeciense en la segada hijo malo. (Biblia de Ferrara, 1553)

Esta palabra era salida delante el Señor del mundo con verdat prouada, e pala­bras honrradas, e con bozes nobles, e palabras muy entendidas e espand[did]as, e piadosas posturas, e juyzios e prometimientos para sienpre jamas a los fijos e a los nietos. (Midrash aseret adibrot, manus. Sig 15)

i el moso savio muncho i entendido en sensia de echizo (Sefer 'ha-yashar, manus. sig. 17)

Bien entendido ke izieron ge'hinam de arriva abasho, bushkaron en todas las kalderas, examinaron todos los rejistros, telefonearon a tahtision, demandaron a todos los departamientos, telegrafiaron a todas las imprimerias, bushakaron en los klubes, braserias, meanes, i no uvo ninguno ke supiera dar sus senyales. (El Djugeton, Const. 1908)

Bien entendido ke segun nuestras tradisiones, antes de entrar a gan eden, el patriarka Avraam examina a todos los ke se prezentan por saver si son pertenesientes de entrar a gan eden o no, (El Djugeton, Const. 1908)