enserrarse v. refl.

נסגר, הסתגר, התבודד

be closed, to shut oneself, to be isolated, to seclude oneself

el sol se enserra

השמש שוקעת

enserrarse komo el kukuyiko

להצטנף כפקעת

enserrarse komo las gayinas

ללכת לישון מוקדם (כמו התרנגולות)

enserrarse en kaza (Nehama)

El sol konse el lugar de enserrarse (Moscona)

El sol de Aifto ora enserrarse (Gaon, Poezias)

El turko se enserró en la kalé i mos izo muasilé, el nemsí enpesó a echar muchas djulés (Asidio de Belogrado 1788)

I se enseraron kada uno aparte (Meam Loez Bereshit)

i a medio dia se enserrava el sol antes de su tiempo, i eskuridad i tinievla en todo el mundo (Shivhe Hayim Vital, Sal. 1892)

Nantes se levanto komo atirado por este saludo del sol ke se enserrava, el iva murir en echandose por la ventana, el non tenia menester de klaridad para meter su plan en exekusion (Nantes, Tel Aviv 1952)

i se hue a su kaza i se enserro en una kamareta kon taanit de 3 dias i tres noches, dia de viernes korto el taanit i mando a yamar un djidio ke le merke todo el gaste de shabat i ke se lo kuzine kasher en su kaza (manus. Papo, Sarajevo 1840)

salio de ayi el arur, se hue a su kaza i se enserro unos kuantos dias kon malos pensamientos en su kavesa i no salio a la kaye para ke entiendan los djidio ke ya se hue (manus. Papo, Sarajevo 1840)