enkolgado adj.

תלוי, מוקע

hanged

Kido kon los mokos enkolgados

alvisias demos al Dio por todo pasado, kien se toma kon djidió merese enkolgado; (Koplas de Purim, Saadi 'Halevi. sig 19)

Ensima de kada talamo ay para de oro i trenta djoyas kolgadas ayi, kada una su relustror komo el sol (Shevet musar, Const. 1740)

Viene de esto ke aborrese en su marido i la kadena kolgada en sus gargantas (Shevet musar, Const. 1740)

E dixoles: locos, semejantes de vuestros dioses que estan colgados de vuestros pescueҫos, e estan muy lexos de vuestros coraҫones; (Midrash aseret adibrot, manus. Sig 15)

e cada uno de aquellos gentios llamaua la figura de su dios que lleuaua colgada al cuello. (Midrash aseret adibrot, manus. Sig 15)

El tenia un chiko retrato suyo enkolgado siempre enriva. (Pavlo i Virdjinia, 1912)

Agora, enkolgado sovre las puntas de los alamos i iluminando kon sus ultimos rayos el ombre sovre la sima de la kolina, le dio a este un splendor kaje mistika. (Otniel Hodja, 2002)

Al son de las kampanikas enkolgadas a las gargantas de los gameyos, se desperto Sarina i avrio sus ojos. (Otniel Hodja, 2002)

Una ves, dos d'eos, vestidos de karnaval, se metieron a vender en una teziá chinís, kopos, onde avia también enkolgados chokales chikos i grandes de todos los boyes. (el Rizón, Salon. 1939)

Enmedio de todas las kalejas se veen kolgadas las diversas kandidaturas propozados de diversas grupas (La Amerika 1910)

Valker se fue derechamente a un magazen de kinkayeria i merko ayi una chika lanterna (fener) de tres vidros donde la kuartena parte de la lanterna era serrada de zingo kon un gancho enkolgado ayi permetiendo [...] de enkolgarlo en la botoniera del palto (El prove doktor, Const. 1904)

las dos mujeres entraron en una segunda kamara espandida entera de preto i aklarada solamente por una lampa a tres bikos enkolgada en el sielo razo (tavan) (Muerta de mala muerte, Yerush. 1911)

este despachio devra ser enkolgado si es posivle antes la ora dela aviertura dela bursa afin de aleshar los ruidos falsos metidos en sirkulasion (El Tiempo. Const. 1874)