enganyar v.

הטעה, רימה, הונה, הוליך שולל; סחט (הוציא כסף במרמה)

to deceive; to blackmail (to take money fraudulently)

el tiempo me enganyo

מזג האוויר הטעה אותי

enganyar el es.huenyo

לנמנם קלות כדי להעביר את הרצון לשינה

enganyar la ambre

לאכול דבר מה פעוט כדי להשקיט את הרעב

m'estó enganyando

אני טועה!

no te deshes enganyar!

הזהר! אל תתן שיונוך!

ya lo enganyí

נמנמתי קלות וגברתי על רצוני לישון

no te kiero enganyar (Nehama)

Kedo enganyado en sus esperansas (Moscona)

Ya me vo enganyando de mi para mi (Moscona)

Guay de el y guay de su alma kuando a su mujer enganya

Ladron ke save rovar save enganyar

Ken solo djugo, nunka se inganyo

Ermozura enganya los korasones de los mansevos ama el dinero i fama sonbaya los bovos

Ken a dos reyes sierve, a uno enganya

Shimshon, me enganyates, mintiras me dishites i me averguensates. ('Ha-Elion: Shimshon, 2003)

tahbulot i ormot munchas azemos todo es ke lo enganyemos, i despues lo aborresemos lo desterramos de la tierra (Tarika, Shira Hadasha, Izmir 1861)

ke no konviene enganyar al mundo ke lo tengan por haham grande sin serlo. (Meam Loez Bereshit)

ya se ke vozotros siempre tornash por el, ke Yosef kon su elguenga aguda vos enganya i vos amostra amistad (Tokpo shel Yosef, Yerush. 1887)

i por muncho ke akavidaron ke no vaiga ninguno ande eyos, no eskucharon porke eyos kon sus bokas enganyavan ala djente (manus. Minhat Ani, Yerushalayim 1880)

eya no se sintia la fuersa de mantener los engajamientos tomados i no keria mas resivir las buendades de un ombre ke eya enganyava. (La dam o kamelia)

Eya era orijiinaria de Fransia tambien i por desgrasia avia sido enganyada por una mala persona (Pavlo i Virdjinia, 1912)

Por modre de vozotros se aze lo eskuro klaro, lo negro bueno, lo feo ermozo, la burla alavasion, la hanupa por amor de kompanyero, el deskaramiento por moral, el enganyar por sensia, menospresiar a la djente por anava, (Asolado en la izla, 1881)

El adjunta ke no es djusto ke kon la fuersa de la moneda, enganie al padre i a la ija i los ovliga echarsen siegamente al abismo. (La Boz de Turkiye, Istanbul 1948)

Visto ke el konvertido fue siempre un negro sudito, i mezmo kuando era Djudio siempre se mostro rekalsitrante i kontrario a la nasion, i kuando paresia ke avlava en favor de la nasion, no era ke por su intereso i por enganyar al puevlo, (El Djugeton, Const. 1908)

Eyos se supieron tan bien trokar, supieron tambien asemejar a los ombres de los kualos eyos imitan el echo I el ofisio, el mas fino ombre no los podria konoser I ke muchos adjentes mizmo de la polisia sekreta se desharian enganyar (Matador de kriaturas, Yerush. 1908)

Yo m'enamori de noche, el lunar m'enganyo (Kalendario de kantigas)

El mansevo, viendo ke el ombre era muy entelijente i no lo pudía enganyar, se demandó komo avía entendido ke el no avía ganado la moneda. Bushkó, bushkó lavor, i no topándola, fue ande un tío i le demandó por plazer ke le diera una lavor por una semana. El tío lo tomó en su echo, i a la fin de la semana le dio una moneda de oro, komo paga de su lavor (malgrado ke el mansevo estuvo batal la semana entera). (Kuentos, 1986)