endjuntos adv.

ביחד

together

ke matados sean padre junto ijo. (Gaon, Poezias)

No uvo muerte para el vidas del mundo bive el djuntos vengan kon el Goel ek enbien a vos a Eliau (Koplas de Eliau, sig. 18)

Todos djuntos alavemos porke muncho le devemos; después de esto beveremos, ke ansí es el dever. (Mandjares de Purim, sig. 18)

Este negro yerro le fue gran fesat; basta ke no esté kiesat, komemos kon gusto, bevamos endjunto. (Koplas de Purim, Saadi 'Halevi. sig 19)

Yoraron endjunto i lo bezaron, i kaminaron. (Leket 'ha Zo'har, 1855)

ke ansi un ayaktashi ke veniamos djuntos se echa afogar ke se arresvalo dela tierra ala mar i lo travimos i eskapo (Rosh Mashbir I, Sal. 1821)

Komo no fue de ser ke este ijo de la esklava sea yoresh en un lugar djuntos kon Yits.hak mi ijo (P. R. Eliezer,1876)

Ansi es ke el asento a komer endjuntos en la kompanyia. (Banyos de sangre, 1912)

A este titulo i al nombre del konde, ke ya vos vido pasar, yo vengo invitarvos a komer enjuntos. (Banyos de sangre, 1912)

Las madres, en viendolos reir i korrer solos, ya se azian entre eyas las propozisiones por kazarlos endjuntos (Pavlo i Virdjinia, 1912)

Por plazer a su ermana se asentava endjuntos kon eya i le iva embezando kozas. (Pavlo i Virdjinia, 1912)

Se engrandesieron endjuntos, durmiendo mizmo munchas vezes en la mizma kuna. (Pavlo i Virdjinia, 1912)

En viendola lazrar endjuntos kon su marido para mantener a eyos i a nozotros; (Pavlo i Virdjinia, 1912)

Eya meldo la karta a todos i, kuando las lagrimas korrian de sus ojos, fue Pavlo el primero endjuntos kon Virdjinia ke vinieron alimpiarles (Pavlo i Virdjinia, 1912)

Los doktores i los enfirmieros Palestinianos estan lavorando endjuntos kon los Isra­elianos, i estan partisipando a los kursos i a las konferansias. (Shalom, 2007)

Viniendo a los pansioneres, los ke resiven la pensia de Kupat Apensia, le kortaran el dasio mezo esta Kupa del mez venidero, en adjustandole i la paga del Bituah Leumi, todo endjuntos. (Luz de Israel, 1985)

El pasha turko estava endjuntos kon sus mujeres, sus ijas i sus mosos en una grande tienda de seda echa enfrente de la nave i mirando a todo el mundo kon desdenyo. (Leonidas el nadador, 1911)

Las trensas oskuras, la klaridad de la facha i la boz de son de kampanas, todos endjuntos ivan tornando agora a arrelumbrar su memoria. (Otniel Hodja, 2002)

mientras ke eyos kuzian endjuntos eyos kantavan kantes alegres, mostrando sus grande kontentes de sus ofisio i de sus estado (El rey i el shastre, Yerushalayim 1903)

Eyos se frekuentaron desde sus chika edad, se engrandesen endjuntos, se entienden bien, se aman i se prometen de partajar sus vida. (La Boz de Turkiye, Istanbul 1948)

lo tomo kon si al echo i agora lo desho ke arodee la butika endjuntos kon Davi su ijo. (Sipure Sefarad)

Haskito atino, ke tres semanas de sira, viernes la tadre venia su padre i tratenyendose kon el chorbadji, komo ke le metia algo en la mano. Despues de esto el chorbadji le dava la semanada de tres groshes, i Haskito endjunto kon su padre se tornava a kaza. (Sipure Sefarad)

al vekil le dishe ke vo avlar kon ti i si vas de akordo, podemos ir endjuntos a Vidin i azer el trato en el lugar. (Sipure Sefarad)

después de unos kuantos días endjuntos kon el vekil partieron para Vidin. (Sipure Sefarad)

a la fin de la semana riushó a meter endjuntos una lira de oro! (Kuentos, 1986)

I de akel día en delantre los dos se metieron endjuntos i empesaron a djirar por el mundo, kontando konsejas. (Kuentos, 1986)

segula para kriatura ke se le tomo la avla mehamat de algun akontesimiento: ke tome sal i tizna del tendjere i ke pize todos dos endjunto menudo bien i ke le meta debasho de la luenga de la kriatura i avlara (manus. Papo, Sarajevo 1840)