emuná (ebr.) f.

אמונה, אמון

faith, trust

en este no ay emuna (Moscona)

nozotros kreemos kon emuna kumplida ke el kriador, bindicho su nombre, el es uno i no sigundo, i el solo es muestro Dio; el fue i es i sera (Moscona)

Los ke tienen muncha emuna non les gustan tomar kolera

Dotrina de muestra Torah enaltese la emuna

El estudio provechozo i ventajozo az enfloreser la emuna del relijiozo

Amor de mi emuna ke es muncha, komo la mar la grande i la ancha, en mi korason komo un entorcha. (Donme, sig 18)

Es solamente unos doktrinos morales ke van a tener menester los kapos del puevlo enbezar a sus fideles, ma no la baza de la emuna segun era antes, (M''L Kantar de los Kantares,1899)

Ke entonses era menester ke los kapos del puevlo izieran konoser al puevlo i les enbezaran la kreensa (emuna) en el Dio santo i poderozo, (M''L Kantar de los Kantares,1899)

i dito akojimiento de Israel izo Yeoshua por kastigarlos kon avlas razonavles por ke siervan a el Sh.Yit. kon emuna kumplida (Meam Loez Yeoshua II, Izmir 1870)

para mostrar ke es sano nosri i kree en la emuna mueva, penso por deperdermos i arrebashar a la Ley verdadera, i bushko del apifior ke enkomende i vengan delantre de el los hahamim grandes de los djidios, ke kere prevar de muestro Talmud ke el mashiah ya vino (Shevet Yeuda, Viena 1859)

tiene savor kuando viene la koza ke se arreserka al meoyo i para arreserkar al meoyo en la emuna del tehiyat a-metim (Pele Yoets I, Viena 1870)

siendo ke eyos metieron las firmas para kitarlo de la ley muestra i de la emuna del Yeshu, su din es de kitarlos a eyos del mundo kon esta muerte ke le izieron i lo enforkaron a Yeshu (manus. Papo, Sarajevo 1840)