empesarse v. refl.

התחיל

to start, to begin

si no s'empesa no s'eskapa (Nehama)

Lo ke no se empesa no se akava

los tres ya les demudo sus karas i ya se enpesaron a tenblar enteros i ir de aki para aki (manus. Minhat Ani, Yerushalayim 1880)

paso zeman, un mez o mez i medio, se enpesaron a bushkar a estos djidios (Mihtav Shelomo, Sal. 1855)

Siendo ke ayegaron a el midbar se enpeso a mal trazyerrar detras de la avodazara de la kaza de Par'o su padre (P. R. Eliezer,1876)

En mirando ke el tiempo se empeso a bozear i el sielo se empeso a enuvlar, deshi mi idea, i me di adjile por eskapar de la fuersa ke se esperava (Asolado en la izla, 1881)

desde este punto el estado del joven se empeso a amejorear, la kaentor de la hazinura empeso a despareser i en kinze dias el hazino se izo bueno (El Djugeton 1917)

La fiesta se empeso kon la Marshe Nasional, entonada por una diezena de jovenas ijas, delante el drapelo de la Republika alsado sovre la esena i ke la asistensia eskucho en pies. (La Boz de Turkiye, Istanbul 1948)

En el momento onde Rashel kedava prenyada de su tresera kriatura, los echos de sin. David se empesavan a gastar (La famoza kantadera, Tel Aviv 1950)

Este ultimo entro al kortijo sin avlar un biervo i kuando vino a la kamareta, el desho el bogo ensima del minder i se empeso a kaentar en el ogariko (La famoza kantadera, Tel Aviv 1950)

Eya retorno kon sus mokos enkolgando i se empeso a tomar kon su marido. (La famoza kantadera, Tel Aviv 1950)

Haskito se ampeso a dulyar, ke la semanada se la esta pagango su padre i no el chorbadji... (Sipure Sefarad)

El mansevo se ampeso a riir i en puro djudezmo le respondió: No sinyor! (Sipure Sefarad)

ya se enpeso aparejar muncho i bueno, ama no estan deshando mitsva atras ke no estan aziendo. (Yihya al Akra, Manus. Yerushalayim 1920)