edut (ebr.) m.

עדות, אישור

testimony, confirmation

a ti A' todo modo de kriansa sea de arriva sea de abasho dan edut ke eyos se depiedren i tu estas para siempre (Keter Malhut, Mahzor Saloniki 1876)

ke seash de edut ke le vo a dar mekudeshet ke non se tiene ke bahladear kon otro (Divre Shemuel, 1891)

Me yamo Shemaaya ben Susin .. en una kantonada i me disho por el pan i sal ke komites en mi kaza ke des edut komo me izo mi ijo murshe .. para ke diera kidushin a mi sovrina Simha (Yosef Mitrani responsa II, 1645)

I kuando entravan los edim a dar algun edut falso arrodeavan todas las ruedas i gritavan todas las hayot i les paresia a los edim ke se iva a destruir el mundo i de el miedo atorgavan la verdad (Meam Loez Ester, Izmir 1864)

Milaniko mos da mil i kinientos as' para dar edut komo tiene kidushin kon la fija de Hamets, ke vos parese a vozotros? (Responsa, Hayim Shabetay, Sal. 1851)

Hue i trusho a sus haverim los falsos dieron edut delantre el lovo i lo hue mehayev el lovo a el karnero ke page el pan. (Hidot de Izopeto)