djustisia f.

צדק, יושר, הגינות

justice, honesty, fairness

dedo ke se korta kon djustisia no duele (Nehama)

fue entregado en manos de la djustisia (Moscona)

bushko djustisia! (Moscona)

En demandas de djustisia avla siempre la verdad

i la djustisia? eya me va arrestar i sin duvdo ke yo sere fuzilyado (El Triomfo de la Djustisia, Sal 1921)

solo asi se pensa del prove no se interesa / yo demando esto es djustisia, esto es derecho? (Rekolyo de Poezias Diversas, Tel Aviv 1931)

I la su djustisia se va aserkando se le tira su mando i la su grandeza i su altigueza (Purim, De-Fes, sig. 18)

'Hayom 'harat olam dezid kon muncha alegria / la djustisia i la verdad arrivo en Turkia / muncho negro avia i sin pueder avlar / mos tomavan a harvar / mizmo mos akuzavan / i mos aprezavan / (La Amerika, 1911)

salvo lo ke kiere el Sh.Yit. es ke agash djustisia i azed mersedes kon la komunidad i ke andesh onesto kon el (Hovot 'ha-Levavot, Const. 1569)

todos los turkos enpesaron por rogar a la djustisia ke izieran redja a ke se desvachee a esta demanda (Imre Bina, Belgrad 1837)

Eyos disheron tres palavras: 'sed pasientes en fazer la djustisia; (Pirke avot, siglo XV)

Se puede dizir ke se kijo fraguar un valutozo Akto de Djustisia para el mundo i la memoria del Universo Sefardi, kon la inauguracion la Casa Sefarad-Israel, (Los Muestros, 2007)

en akeyos dias no avia ninguna djustisia i kada uno azia segun sus fuersas (El rey i el shastre, Yerushalayim 1903)

al kontrario, el djornal ke avla kon derechedad konsensiozamente i kon djustisia, ke non toma el partido de ninguno i djuzga sin reguadro ke non aze diferensia de el prove al riko (La Epoka, Sal. 1875)

Yo apartengo agora a la djustisia (Mujer kriminala, Tel Aviv 1954)

Ma kuando se trata de algun matado, el kual la djustisia no ave ainda metido la mano sovre el matador, ke azen? (Matador de kriaturas, Yerush. 1908)

el rey komo era enemigo a los djidios no le kontento las avlas i la razon ke dieron los djidios i abolto la djustisia i demando: el djusgo de esto komo es? (manus. Papo, Sarajevo 1840)

i les amostro la plata i meldaron las kartas, estonses se ensanyo el rey i kon grande ravia mando a yamar los negidim dela sivdad i a los grandes i vinieron a la djustisia todos (manus. Papo, Sarajevo 1840)