diverso adj.

שונה, נבדל

different

abrasar se viene kon diversos ijos. (Gaon, Poezias)

De diversas maneras I modos beveres (Koplas de Purim, 1545)

Avia ayi todas las grandes damas de Paris ke examinavan kon dezdenio las diversas ropas (La dam o kamelia)

kontrariamente a los nuevos uzos empleados en diversos paises de la Evropa (La boz de oriente, 1931)

Ma i kon esto un otro grande evenimiento se bivio en medio de las munchas i diversas aktividades desvelopadas. (Los Muestros, 2007)

Marsella, dunke, fue una buena madre para los gregos resfuidos, los kualos, en el repozo i seguridad del lugar, podian i pudieron pensar en diversas formas para venir en ayudo de sus ermanos sufrientes i esklavos en Turkia. (Leonidas el nadador, 1911)

Algunos se fazian de diversos ofisios, komo peshkadores, azeiteros, barredores; i otros se vestían de algunos kueros de animales, sovre todo de lonso kon un panderiko, i se metían a akojer. (el Rizón, Salon. 1939)

Enmedio de todas las kalejas se veen kolgadas las diversas kandidaturas propozados de diversas grupas (La Amerika 1910)

la responsabilita veramente grande de esta situasion perikuloza reviene en primer lugar a muestro famozo konsilio komunal ke non aze la minima tantativa por kontrolar todo loke se esta aziendo, por las diversas komisiones i por los diversos funksionarios (Renasensia Djudia, Sal. 1920)

kuanto provechozo seria para muestra sivdad si se formava una kasha de esparmio komo en diversos lugares de Evropa (La Epoka, Sal. 1875)

en un djiro ke izi en diversos shabatot por los kafes los mas en vista pudi observar una koza ke me atristo profondamente (La Epoka, Sal. 1900)

en meldando el jurnal mis ojos fueron alos diversos fatos entre los kualos meldi el insendio ke tuvo lugar en un chiko kazal (Anna Maria, Yerushalayim 1905)

yo kreo ke la situasion de los djidios en los diversos paizes es bastante triste por render superfluos introduksiones fantazistas desplasadas (Herzl, El estado djidio, Sal. 1931)

kon boz en diversas variasiones, le dize a Yako: frégasela, enkáshasela, tómale la-as pa-aras! (Sipure Sefarad)