diferente adj.

שונה, נבדל, אחר

distinct, different

Diterentes modos de gizado (Moscona)

Esto es koza diferente (Moscona)

El amor nos aze andjeles, nos aze bivir una vida enteramente differente de la muestra... (Rinio, 1906)

metales, animales, plantas i flores / en diferentes kolores i golores / todo maraviyozo i admiravle / i por kualo el ombre eskojido de la kreasion / lo kriates manko de perfeksion? (Rekolyo de Poezias Diversas, Tel Aviv 1931)

Teve[kiel] lo llamavan, no se despertaba, i los papazim modriskos le davan; el hodjá diferente gusto se tomava, serravan las puertas, plazer les entrava. (Kalumnia de sangre, sig 18)

Los doktores de Hadasa estan aziendo lavoros kolektivos kon los opitales de munchos diferentes payises. (Shalom, 2007)

sigun deskrivimos su traje el kual tiene asemejansa kon el de la hanuma turka, por esteso i la kaza no hue mucho mas diferente de la morada de nuestro konsivdadino musulmano! (La mujer sefardí de Bosna, 1931)

aki tambien la shemurá la vendieron segun la komio el mushterí en kada kazal uvo un presio diferente (El Djugeton, 1922)

La duana aki es ''ad valorem'' por kada artikolo diferente porsiento. (La Amerika 1910)

Ma entre los ke se kedan mirando ay munchos adjentes de polisia los kualos aviendo trokado sus vestidos devinieron unos fakinos, alimpiadores de kalsados, kolportores I mil azedores de echos diferentes (Matador de kriaturas, Yerush. 1908)

toda la korteza de la tierra se aze de minerales ke djeneralmente yazen uno arriva el otro en lechos de diferentes gorduras (La eskalera, Const. 1888)

Ande el rey venian djente de diferentes lugares i le kontavan kuanta patranya ay i no ay a lo kualo el rey siempre respondia: ''i esto es posivle!'' (Sipure Sefarad)

los ijikos admiravan las atraksiones del tsirk ande en interval de dos oras vían diferentes animales dresados (Sipure Sefarad)

Tenia grandes ambares kon severa en diferentes portos de la Tuna i mizmo shilepes para transportar los trigos i otros sereales a la Austria i a la Djermania. (Sipure Sefarad)