diferensia f.

הבדל, הפרש, שוני, פער; הבדלה, הבחנה; מחלוקת

difference, gap; distinction; division of opinion

resferensia

402460

Ay diferensia en la kolor (Moscona)

Entre las dos partes existen grandes diferensia (Moscona)

La diferensia es de los sielos a la tierra

De ''me keres'' a ''te kero'' ay grande diferensia

no ay muncha diferensia de matarlo kon la mano a azer modo ke se muera de suyo. (Meam Loez Bereshit)

en este partikular tenia diferensia kon el savio Shamay su kolega (El gid, Istanbul 1967)

no vos asofrash sovre el sin preguntar a el haham, porke puede azer diferensia i ken no es pronto en los dinim le parese todo uno (Meshivat nefesh I , Const. 1743)

en un dezeo de armonia kumplida entre todo el djenero umano, sin diferensia de rasa ni de relijion. (La boz de Turkiye, 1948)

Si el papa de Roma avlara por igualidad en toda la umanidad sin diferensia de rasa i relijion, puede ser puedra ganarse algo de respekto i konsiderasion (La Amerika, 1917)

munchos sinyores [...] estan viendo la diferensia del rijo de la sivdad de agora i de akel tiempo en el kual bivia el regretado difunto (La Epoka, Sal. 1900)

el traje (kostum) de los judios es igual a akel de las personas kon la sola diferensia ke eyos no pueden yevar el kalpak alto (El Tiempo, 1896)

el mostro mas patriotismo i mas kerensia por el governo otomano en esta dezgrasiada diferensiakon los ruses (El Tiempo, Const. 1877)

el mostro mas patriotismo i mas kerensia por el governo otomano en esta dezgrasiada diferensiakon los ruses (El Tiempo, Const. 1877)

por azer resalir la diferensia entre mi konstruksion i una utopia yo eskujo un interesante livro del anyo pasado (Herzl, El estado djidio, Sal. 1931)

Tambien la manera de ovrar de la polisia, es la mizma kon la diferensia ke en este kavzo es la polisia sekreta ke ovra (Matador de kriaturas, Yerush. 1908)

Una komparasion kon la traduksion en ladino ke trushimos al prinsipio permete de ver la grande diferensia entre este dokumento i el nivel linguistiko i literario de Aki Yerushalayim i lo ke vino despues. (Aki Yerushalayim, 2019)

toda persona ke no esta mas en estado de sostener sus ovligamientos deve ser exekutada apunto, si eya no paga la diferensia rezultante de la exekusion, eya sera por solo este echo deklarada en falita (El Tiempo. Const. 1874)

Agora ya podesh vender las aksiones ke merkatesh, porké kon la deferensia del presio entre lo ke las merkatesh i lo ke las vash a vender, ya vash a meter endjuntos una suma bastante emportante, ke vos va a permeter de kazar a vuestras tres ijas! (Kuentos, 1986)