aparejo m.

הכנה, סידור

Enpeso a eskojer de dime ahay de la muerte de Mordehay dame el konsejo i el aparejo (Purim, De-Fes, sig. 18)

Amanesio el dia, en sekretamente a Yits.hak lo desperto i todo el aparejo kon su mano lo pronto, i tomo la lenya i el kuchio (Tarika, Shira Hadasha, Izmir 1861)

Dito gevir se alevanto a media noche para azer aparejo de la kevura (Meam Loez Bereshit)

ke antes de salir de kaza aze todo su aparejo, i la komania del kamino ke sea demenester, (Meam Loez Bereshit)

I sovre la kavesera de la sia avia almenara de oro bien aderesada kon todos sus aparejos i siete kanyas en eya (Meam Loez Ester, Izmir 1864)

Despues de enormes gastes i grandes aparejos el selebre aviator sr. Velman kon 5 kamarados injeneres el mez pasado partio de aki kon su aeroplan por arrivar a Londra (La Amerika 1910)

Su maestad el sultan vijitara proksimamente la sivdad de Andrinopla al efeto de kualo se azen grandes aparejos en la sivdad (La Amerika 1910)

las kayes estavan yenas de djente ke se paseavan por ver todos los aparejos ke se azian por resivir al rey (El rey i el shastre, Yerushalayim 1925)

Ah sinyor, respondio el ovrador, nada de aparejos ay aki (Mujer kriminala, Tel Aviv 1954)

Luiza izo emidiatamente sus aparejos de partensia (La dezgrasiada Luiza, Tel Aviv 1953)

grandes aparejos de armamientos son echos en Italia probablemente en vista de una gerra kontra la Abisinia (El Tiempo, Const. 1896)

los aparejos de la boda (Nehama)