akordar v.

העניק, נתן, חלק ; כיוונן

el emperador ... no se imajino mizmo ke de la yeshiva de Yavne iva esklareser la luz de Israel i ke el djudaizmo iva topar el abrigo por enforteserse i sostenerse delantre las tempestas del tiempo i bivir miles de anyos despues dela abolasion del grande imperio de Roma, konkistador de una grande partida del mundo, le akordo al punto su demanda (manus. Vitali Varon, Const. 1948)

Si te aprofondes en eya te akorda grande rekompensa (Tefilat Imanuel, 1924)

Margerita, no tuviendo ningun espanto, de komprometerse, akordo al duke lo ke el deman­dava, (La dam o kamelia)

i del echo de aver akordado tantos poderes tan anchos al kulto katoliko, los judios se alarmaron, (La boz de oriente, 1931)

en akordandoles una existensia juridika ofisial kriada i rekonosida ofisialmente por el estado. (La boz de oriente, 1931)

por rogar del rey Louis XVI (de Fransia) de akordar siertas favores a los judios de Alsace. (La boz de oriente, 1931)

La ermoza dama, ke deklaro ser ermana del prinsipe, akordo a su demanda por akea noche mizma (Banyos de sangre, 1912)

La sivdad de Paris no pudo akordarles una tan grande ospitalidad i se kontentava kon avrir suskripsiones en favor de los gregos menesterozos ke venian a Marsella, ansi ke para mandar ayudos a akeos ke sufrian en Turkia. (Leonidas el nadador, 1911)

A las sinko de la manyana, segun aviamos akordado, yo me topi delantre la puerta del ospital (El muerto ke esta bivo, 1912)

toda mi moneda esta en bonos i la eskadensia de estos bonos son al 17 i 18 de este mez de sorte ke si me akordash 12 dias de tiempo yo vo remetere el importo al 19 (El prove doktor, Const. 1904)

eyos kerian gozar del konje (izin) ke les avian akordado (La dezgrasiada Luiza, Tel Aviv 1953)

yo imajino ke los governos voluntariamente o soto la presion de los antisemitas akordaran un poko de atansion a este eskrito (Herzl, El estado djidio, Sal. 1931)

Me akodraron diez dias de repozo (Moscona)

akordar un piano/akordar las oras (Nehama)