interés m.

עניין; ריבית

dar parás (t.) kon interes

להלוות בריבית

opozisión de intereses

ניגוד עניינים, ניגוד אינטרסים

intereso

227190

ma yo veo todo eskuro, dia por dia vemos las intrigas de la korte, eyos miran mas presto sus intereses ke akeyos del paiz (El Triomfo de la Djustisia, Sal 1921)

Los klubes i sosietas siempre van pujando / mansevos de la nasion se van abonando / todos van gritando / kon grande ahadut / adelantre joventud / penar por el progreso / siempre sin intereso (La Amerika, 1911)

atorgaron todos ke su djudezmo era de alma i de korason i no por algun interese, (Meam Loez Bereshit)

de una manera djeneral, defenden los entereses lokales de los israelitas. (La boz de oriente, 1931)

portanto se determino de tener rekurso a eya en el intereso de su ija. (Pavlo i Virdjinia, 1912)

Eskojen sus delegados para los kongresos governamentales por guadrar sus interesos (La Amerika 1910)

portanto esta situasion es grande pekado, es manzia ke se deshe prolongar, siendo ke las tres kuatro personas ke konchentran en sus manos todos los echos, los poderes, los bienes i los intereses de muestra komunita non konosen mas un termino para sus abuzos (Renasensia Djudia, Sal. 1920)

se determino dunke a pagar los kupones de kada ovligasion fin a sinko anyos kumplidos, metad kontante i metad en ovligasiones kon el sinko por sien de interes (La Epoka, Sal. 1875)

relevamos [...] el siguente artikolo tokante el pagamiento de los kupones ke deve seguro ser meldado kon grande interes de todos los posesores de fondos bankieres i kapitalistas (La Epoka, Sal. 1875)

de la kuala suma empesan a kontar los intereses ke son kontinualmente adjuntados al kapital (La Epoka, Sal. 1875)

djugar a dos o a tres groshikos la partida no se yama djugar a interes (La Epoka, Sal. 1900)

meldi kon mayor interes lo ke usted eskrivio relativamente a la tesis ke sostengo en estas kolumnas (La Boz de Turkiye, 1947)

Bayazit entendia muy bien ke detras de los atakantes se eskondia una personalita de primo plano tuviendo enteres a azer despareser Gul Bahar, sea porke la amava, sea en otros eskopos (Gul Bahar, Tel Aviv 1953)

Esta parensia trae muncho entereso a el Estado de Roritania, ke munchos enemigos del rey lo keren dezbarasar. (La boz de Yerushalayim, Yerush. 1953-4)

Esta parensia trae muncho entereso a el Estado de Roritania, ke munchos enemigos del rey lo keren dezbarasar. (La boz de Yerushalayim, Yerush. 1953-4)

las negosiasiones entre el governo de Sofia i el sindikato finansiero por la emision delas ovligasiones 5 por sien de intereso del emprestimo bulgaro reusheron (El Tiempo, Const. 1896)

Matatia: Uvo unas kuantas personas, kualo de selo, kualo de intereso, ke estan bushkando de meter kitrug en la nasion por ke no ayga repozo, (El Djugeton, Const. 1908)

Visto ke el konvertido fue siempre un negro sudito, i mezmo kuando era Djudio siempre se mostro rekalsitrante i kontrario a la nasion, i kuando paresia ke avlava en favor de la nasion, no era ke por su intereso i por enganyar al puevlo, (El Djugeton, Const. 1908)

ma esta aksion es desturbada por talos atakos ke non solo no pujan las posibilidades de lavoro sino ke danyan tambien los intereses propios del lavorador. (Manifesto de Lishkat a- Avoda, Tel Aviv 1950)

Nozotros nos adresamos por esto a todos los lavoradores ke pasan por la Lishkat Avoda afin ke ekspliken a sus kompanieros ke deven de abstenersen de agresiones semejantes ke danyan sus intereses i los intereses de todos los lavoradores. (Manifesto de Lishkat a- Avoda, Tel Aviv 1950)

en tuviendo kuidado de adjuntar ke el djurnal es de los abonados, ke estos ultimos keren konoser las novedades de interes djeneral (La Epoka, Sal. 1900)

Mizmo los ke tienen un konosimiento parsial de la lengua no tienen intereso en la kreasion literaria klasika en ladino. (Aki Yerushalayim, 2019)