eskalera f.

סולם, מדרגות

eskalera de dos pachas

סולם דו רגלי

eskalera de mano

סולם נייד

eskalera empepinada

מדרגות תלולות

suvir i abashar eskaleras

להתרוצץ במסדרונות השלטון בלי להשיג דבר

skalera

438060

El tiempo es una eskalera: el uno asuve i el otro abasha

Kuando estan en pas la suegra i la nuera? Kuando el azniko suve la eskalera

Kuando muncho marineros salen afuera, guarda tu ija debasho la eskalera

fija d'Ikarios, el kante divino; i por la eskalera (Odisea)

penso de tomar plazer kon otras maneras mando presto a traer munchas eskaleras sean muy lejeras a levantarlas (Zimrat 'ha-Arets, 1745)

El ke uza por poner su mano alareyo en bodre de su nariz, le es eskalera ke le trae pavor (Menorat 'Hamaor, 1762)

despues de esto vide en la parte otra de el kortijo, una eskalera ke de eya se suvia en una altarrasa muy grande kon su techo de vidro [...] ke de ayi se ve todos los visios i los arvoles de la guerta (Shivhe Hayim Vital, Sal. 1892)

arrodeando por las kayes, asuve eskaleras i abasha eskaleras be-ofan ke kuando torna a kaza ya esta muerto kansado (Pele Yoets I, Viena 1870)

de ayi avia una eskalera echa al karakol ke suvia al tejado de la kamareta de la tevila (Meshivat nefesh I , Const. 1743)

del hel a ezrat nashim era suvida i avia ayi una eskalera de doze eskalones, la altura de kada eskalon medio piko i su anchura medio piko (Meshivat nefesh I , Const. 1743)

i era (la eskalera) sin eskalones komo un monturo de tierra echo komo algunas suvidas ke ay (Meshivat nefesh I , Const. 1743)

Komo era? suvia en la eskalera i katava a el rodeo i venia a el arrinkon deromit mizrahit tsefonit tsefonit maaravit deromit (Mishna: Tefilat kol Pe 1874)

i unas eskaleras le izieron en la pared una por la vanda de mizrah i una por la vanda de maarav (P. R. Eliezer, 1876)

disho a eyos: muevos kon viejos, venid i echa goral ken suvia mienbros de la eskalera para la ara ([Mishnayot], Seder Maamadot, Viena 1821)

a la vanda de maarav avia una tavá kon lunbre a la eskalera de el mizbeah ([Mishnayot], Seder Maamadot, Viena 1821)

yo no vide ke una eskalera i una kamareta i esto no es sufiziente (El prove doktor, Const. 1904)

la eskalera esta yena de emplastos (molos) eya no tiene varanda i tu puedes kayerte (El Alakran, Tel Aviv 1954)

eyas pasaron por un portal estrecho onde otras personas tambien pasavan retornando; i por una eskalera estrecha i tuerta suvieron al sinken piano (Muerta de mala muerte, Yerush. 1911)