ermozo adj.

יפה, נאה, הדור, אסטטי

ermozo! k'ermozo!

איזה יופי!מושלם! (לעתים נאמר באירוניה בכוונה הפוכה)

lo ermozo es ke

שגרת דיבור: המיוחד הוא ש-, המוזר הוא ש-

no es ermozo!

לא נאה! בלתי ראוי! יש להמנע מכך!

fermozo

186450

formozo

192570

Ken no tiene la ermoza, beza la mokoza

Ija ermoza sin ventura nunka ayege a naser

El ke es sosialista tiene ermoza vista

Ken tiene la mujer ermoza ke no vaiga a la boda

Ke karar de ermoza es alguna este karar de bova es

Kuanto es ermoza la mansevez, tanto es tripiada la vejez

Lo bueno i lo ermozo siempre es valutozo

Non te sombayes de ermoza tetas, ten tino tanbien en las sejas pretas

La mujer i la roza fiske la afreskas te tura ermoza

El mazal de la feya, la ermoza lo dezeya

El sol alumbra a las ermozas i a las pishonas

Ke te vale ermozo bastidor si non puedes teshar un buen amor

La djoya es una koza ke a la fea aze ermoza

La mansana ermoza se la koma el guzano

En la mujer ermoza de tu vezino vale la pena de tener mucho tino

Si enkontras una ermoza te parese una roza

kisas fue taksado ke esta ermoza (Gaon, Poezias)

aparese una ermoza persona (Gaon, Poezias)

Oh! Todo esta alegre... todo esta dulse... todo esta ermozo... (Rinio, 1906)

Toda tu ermoza mi kompanyera, de kavesa asta pies sin mankura, Aava es shehina ke es sod Amir''a (Donme, sig 18)

Todas estavan muy muncho gustozas / i se sintian de korason gloriozas / i kada una se mete a rozas / i miles de otras ermozas kozas. (Ketuba, manus. Rodosto 1931)

Estando el rey komiendo i beviendo, mando a yamar a la reina Vashti muy de prisa korriendo; mando el rey ke vos desnudes, i desnuda vengash riendo, ke kiere mostrar ke no ay otra ermoza komo vos, no. (sova semahot, Livorno 1782)

siendo Yosef mansevo de 17 anyos i muy ermozo, podian venderlo por suma grande (Meam Loez Bereshit)

ke konoskan la djente ke aun ke era muy ermozo, se alesho de pekado, (Meam Loez Bereshit)

I era muy ermozo, ke su kara alumbrava komo la klaridad del sielo (Meam Loez Bereshit)

la merkansia es un esklavo mansevo, ermozo i bueno i entendido (Tokpo shel Yosef, Yerush. 1887)

i venia de la parte de maarav por el kamino de el bet akeneset de la plasa; i estavan kantando un pizmon ermozo kon boz alta (Shivhe Hayim Vital, Sal. 1892)

Levantate kompanyera mia, ermoza mia, i vente. (Biblia, Const. 1873)

Ek, tu eres ermoza, kompanyera mia (Biblia, Const. 1873)

Ek, tu eres ermozo, kerido mio, tambien grasiozo, (Biblia, Const. 1873)

Shaul i Yeonatan amados i ermozos en su vida i en su muerte no fueron espartidos (Biblia, Const. 1873)

i fue Yosef ermozo de forma i ermozo de vista (Biblia, Const. 1547)

i los bendisho a Yefet i a sus ijos ke sean todos blankos i muy ermozos i les izo eredar midbarot i kampos estas son las nahalot ke les izo eredar (P. R. Eliezer, 1876)

I bushkaron una mosa ermoza por todo el termino de Yisrael; i toparon a Avishag la Shunamita, i la trusheron al rey. (Biblia, Const. 1873)

I tambien el era muy ermozo de forma; i su madre lo pario despues ke Maaha pario a Avshalom. (Biblia, Const. 1873)

Naftali sierva soltada; el dara dichos ermozos. (Biblia, Const. 1873)

I disho el padre de eya: dizir yo dishe ke aborreser la aborresias, i la di a tu kompanyero; ma su ermana menor, no es mas ermoza ke eya? tomala pues en su lugar. (Biblia, Const. 1873)

Naftali sierva soltada; el dara dichos ermozos. (Biblia, Const. 1873)

i also Zeliha, mujer de su senyor, a sus ojos i vido a Yosef ke era ermozo muncho, i kovdisio su ermozura en su korason (Sefer 'ha-yashar, manus. sig. 17)

kuanto ermozo es el kaveyo de tu kavesa, toma el peine de oro ke esta en kaza i peinate kon el (Sefer 'ha-yashar, manus. sig. 17)

kuanto ermozo el puevlo el este por ser dado a eyos palavras de la Ley i sean komo frenos en sus keshadas (Shir a-Shirim Targum II, Mahzor Sal. 1876)

Ektor no via ke los ojos de la ermoza Voida, no oiya ke su delisioza boz. (Banyos de sangre, 1912)

En Paris? Oh! Ke ermozo!, respondio el mas chiko. (Banyos de sangre, 1912)

eran suvidos sovre dos ermozos kavayos (Banyos de sangre, 1912)

La prinsesa era ermoza el kuantidad ke su ermano el prinsipe era feo (Banyos de sangre, 1912)

Ma lo ke ay de kuriozo es ke asta sesh mezes antes el era muy ermozo, (Banyos de sangre, 1912)

tanto la nueva arrivada era ermoza. (Banyos de sangre, 1912)

Por modre de vozotros se aze lo eskuro klaro, lo negro bueno, lo feo ermozo, la burla alavasion, la hanupa por amor de kompanyero, el deskaramiento por moral, el enganyar por sensia, menospresiar a la djente por anava, (Asolado en la izla, 1881)

Es menester dezirles: ''Vi una kaza ke vale sien mil frankos''. Entonses esklaman : ''Ke ermozo es!'' (El Princhipiko, 2010)

El non era del todo romanesko, el ya avia pasado la edad onde los mansevikos pensan en sus kamaretas, ke ijas ermozas vienen traerles grandes pasiones, i grandes fortunas (Nantes, Tel Aviv 1952)

el era un muy ermozo ombre, alto, bien proporsionado, los miembros sanos, la vientre redonda (El Alakran, Tel Aviv 1954)

El non era del todo romanesko, el ya avia pasado la edad, onde los mansevikos pensan en sus kamaretas, ke ijas ermozas vienen traerles grandes pasiones, i grandes fortunas (Nantes, Tel Aviv 1952)

alado de la vista temeroza ke eya inspirava, remarkavan ke eya era ermoza (Muerta de mala muerte, Yerush. 1911)

otro eshemplo muy ermozo i patetiko se aya en la respuesta ke dio a Eli el varon ke se avia eskapado de la batalia (La eskalera, Const. 1888)