demandar v.

שאל, ביקש, דרש, תבע, ביקש במפגיע

a mi demándame

אני יודע על מה מדובר, התנסיתי בכך בעצמי

de demandar no sale danyo

מלשאול לא נגרם נזק

demandar del Dio

לבקש במישרין מאלוהים ולא מבני אדם

demandar konsejo

להוועץ

demandar piadad

לבקש רחמים

demandar por uno

לשאול אודות מישהו

el ke no save por demandar

ושאינו יודע לשאול

me demanda el alma

אני משתוקק, מתחשק לי

me lo demanda el Dio

מצפוני מחייב אותי

no demandes ni preguntes

מוטב שלא תשאל, המצב אנוש

pan no demanda

'לחם אינו מבקש'', ''אין צורך להאכילו'' - הנח דבר זה, הוא אינו מפריע -

ke demandas?

מה אתה מבקש? מה אתה מחפש?

demandar ayudo

לבקש עזרה

ke me demandas?

מה אתה רוצה מחיי? עזוב אותי בשקט!

domandar

131700

Te espantas de demandar? Tienes miedo de estudiar

Ke steiga en kaza, pan no demanda

El ke demanda perdonansa no se espanta de verguensa

Ken demanda poko es loko

Ken demanda sedaka no se echa sin senar

Fue demandado en la yeshiva de los sielos

Demandando, demandando se va fin Estambul

Akeya madre ke pario kulevros yine demando por eyos

Kontentate di lo tuyo i no demandis nada di otr'uno

Kome la uva i non demandes de ke parra es

A papo ke keres, a boka ke demandas

El ke no kere kos.huegrar demanda mucha ashugar

Antes de komer, demanda si es kasher

Ni peka ni demanda pardon

El elevo demanda, el profesor aklara

Antes de tener katilik kon tu amigo, demanda al Dio Santo ke este kontigo

Un loko demanda lo ke siete savios no responden

aken demandarla por espoza viene: (Gaon, Poezias)

espiego si saves - mi alma demanda. (Gaon, Poezias)

Grasias a Ester la reina ken favor de los djidios del rey demando (La segunda Ester, 1911)

de noche kon el ombre, i mientres ke lo stava bezando i karesando i ke lo abrasava, kon boz ke seduizia le iva demandando: ('Ha-Elion: Shimshon, 2003)

'kero demandar perdon, ke de los dos no es ninguno; (Toledo, Koplas de Yosef)

La mujer de Terah kedo prenyada, de en dia en dia le demandava: (El rey Nimrod)

Les demando a sus mosos si algo vieron; estuvieron kayados i no respondieron. (Puertas de veluntad)

Hushi mi ija Ester enpesa i demanda ke por ti kero meter todo a una vanda (Purim, De-Fes, sig. 18)

Hasid fue a oras de tadre paseando por la kaye topo al ijo i a la madre les demando un poko de agua, ''ke kero bever'' Eliau (Koplas de Eliau, sig. 18)

No demandas, no te prevas, no pensas mas, ela Hu (Donme, sig 18)

bushkad de Horev, demandad de Sinay, ande se eskombro esklavo de A', el ke kito de Mitsrayim lehol 'hamonay (Tarika, Shira Hadasha, Izmir 1861)

gam demandad a la mar por profeta del Dio, ke kon vara a eya la irio en doze kalejas la avrio (Tarika, Shira Hadasha, Izmir 1861)

todo esto supo el pastor fiel, akojo i apanyo a todo Israel, de todos demando mehilá el (Tarika, Shira Hadasha, Izmir 1861)

Non es shaka, es miles ke seran degoyados / porke un ombre i su mujer uvo matados / todos estan furiozos i demandan pelea / el Dio ke aga a ke esto non sea (La Amerika. 1913)

Luego 'Ester dos mosas tomo, delante Ahashverosh se paro, i en sus ojos el Dio la engrasio. Le Disho: demanda, senyora, ke tu voluntad no la baldo, no. (sova semahot, Livorno 1782)

Todos los senyores se arrodiyavan i se enkorvavan a 'Haman, i senyor sobre todos los senyores lo yaman, i el rey i los senyores a el aman, ke de kuanto demandava, no se le dizia no. (sova semahot, Livorno 1782)

A' responde a los aniyim los estantes delantre de ti / komo proves ke demandan, bushkan perdon de ti / konpone su korason, eskucha tu oreja (A' oyi i me estremesi, Mahzor Rosh a-Shana, Sal. 1876)

kada dia les iva demandando kozas de sensia (Meam Loez Bereshit)

I dize la Gemara ke le demandaron a un savio ke koza le kavzo de alargar sus dias. (Meam Loez Bereshit)

I le demandavan en kuala yeshiva keria meldar akea noche. (Shivhe 'ha-Ari, 1911)

I demando Aleksandros a los varones diziendo: de ke fuyen estas hayot i disheronle ke fuyen del fuego, (Ben Gorion, 1743)

Disheron a el: ken sos tu? Disho a eyos: no demandesh, (Leket 'ha Zo'har, 1855)

i si demanda muncho mas de su valuta a demenester ke lo tomen kon buenas i ke lo afalagen a ke lo de kon su valuta (Meam Loez, Devarim II, Const. 1773)

demandimos a los medikos si ay milizina para esto disheron ke no ay dinguna milizina para esto (Tokpo shel Yosef, Yerush. 1887)

i yo demandi a un haham si savia las prevas komo el Sh.Yit. es uno, i disho ke abastava dezirselo su padre (Hovot 'ha-Levavot, Const. 1569)

Denpues ke se bolto, demando de el apifior ke arrojara a los hahamim de los djidios delantre de el i les prevara de el Talmud ke el Mashiah ya vino i es Yeshu (Shevet Yeuda, Viena 1859)

I mozotros en viendo esto mos espantimos i le demandimos al eskrivano ke mos dishera la razon (Shevet Yeuda, Viena 1859)

Izimos tefila i demandamos de el Dio a ke non mos entropeska muestra boka delantre de todos estos leones i kon muchedumbre de puevlo (Shevet Yeuda, Viena 1859)

el sinyor rav ke demande el meleh, el segundo de el rav ke demande de el vizir, ? kada uno de su mertebe (Imre Bina, Belgrad 1837)

Demandar demando el varon por nozotros i por nuestro parentesko (Biblia, Const. 1873)

Ni le demandes ake page en el momento ke prometio (Tefilat Imanuel, 1924)

E commo salieron a tierra, conpraua cada uno vianda para comer, e dixoles el: que es lo que demandastes, que non tengo que vos dar; (Midrash aseret adibrot, manus. Sig 15)

i demando a varones de su lugar por dezir: ado la aplazada? (Biblia, Const. 1547)

i kijeron avlar uno kon otro komo sus uzansas ir demandando kierpiches i lodo i no se entendieron unos a los otros lo ke ae avlavan (P. R. Eliezer, 1876)

meldamos kualmente demandaron los talmidim a ribi Nehunia ijo de Akana: kon loke alargastes dias? le disho a eyos: en mis dias non me onri kon dezonra de mis konpanyeros ([Mishnayot], Seder Maamadot, Viena 1821)

non digas: ke fue, ke los dias los primeros fueron mijores mas ke estos, porke non de sensia demandas por esto (Biblia, Viena 1841)

El demando agua, i eya le dio leche, en plato de novles, prezento manteka. (Biblia, Const. 1873)

sin demandarle ken era eya, demando la permision de verla akuruto i de amar en eya la imajinasion de su ija muerta. (La dam o kamelia)

El otel ke demandas es ayi abasho, en la punta de la kaleja, les respondio el ombre. Ma, kualo vas ir azer ayi? (Banyos de sangre, 1912)

en viendo pasar una persona, eyos le demandaron por ke les indikara el kamino. (Banyos de sangre, 1912)

Los lavoradores demandavan, por burlarsen, la idea de Leonidas sovre la fragua i este respondia alguna vez i no respondia munchas. (Leonidas el nadador, 1911)

El avia demandado del governo el kuerpo del bandido; (El muerto ke esta bivo, 1912)

Media durmida, entre esfuenyo y realidad, demando Sarina: I los gameyos Djoha, los gameyos onde estan? (Otniel Hodja, 2002)

Demando pardon a las kriaturas por aver dedikado este livro a una persona mayor. (El Princhipiko, 2010)

me va demandar la resivida ke su padre me avia dado en tomando la moneda [...] de ayi me pueden bien atakar, i si la polisia me avre una enkuesta yo me puedo apanyar apunto (El prove doktor, Const. 1904)

le demandaron por eshemplo kuantas vezes la kuenta 356 se topa en la kuenta 4,568,894. sin pensar longo tiempo solamente en dando unas kuantas solansas el respondio 12831 mas 58 (El Tiempo, 1896)

En estos momentos un joven riko se prezenta i demanda la mano de Nermin (es el nombre de la muchacha) en dandole miles de liras para reglar la situasion de su padre. (La Boz de Turkiye, Istanbul 1948)

Alora, de ken se trata? demando el en abashando su boz. (Nantes, Tel Aviv 1952)

Eya iva kontinuar mas muncho tienpo ansi. Nantes no le demandava mas porke, dunke iva refuzar?... (Nantes, Tel Aviv 1952)

yami a mi lado al kapo de las guardias i le demandi por ke el me diera algunos detayos sovre esta muchacha (Manon Lescaut, Yeru. 1906)