múzika f.

מוזיקה

mózika

324840

músika

329430

En el gas asfiksiados, en el fuego fueron kemados las kriaturas sin pekado al son de la muzika fueron kemados (En los kampos de la muerte, Violet i Sara Fintz, 1945)

la segunda es la jeometria en la kual se konprende tanbien la estrolojia i la musika (Hovot 'ha-Levavot, Const. 1569)

Savresh ke el tanye del keman i la muzika es koza ke se espasia el korason del ombre i le plaze muncho (Meam Loez Ester, Izmir 1864)

Ah! Mi kerido ermano, ke ermoza muzika! Nos kedaremos aki un poko. (Banyos de sangre, 1912)

Era un kante gerrero de muzika ke eyos oiyan. (Banyos de sangre, 1912)

La muzika paso i atras paso tambien una karrosa (Banyos de sangre, 1912)

La armoniya del violon kon la muzika Klezmer estava ekstraordinario. (Shalom, 2007)

No es alesensiada la entrada a djente ke vienen a algun adereso fikso onde terna okupasion (eksepsion se aze a aktores, maestros de arte, muzika, papazes, profesores). (La Amerika 1910)

Alhad 23 Mayo, a las oras 17, tuvo lugar en el lokal de nuestro Talmud Tora una reprezentasion teatrala seguida de muzika i de diversos bailes. (La Boz de Turkiye, Istanbul 1948)

Charlie Chaplin ke tiene el rolo de Calvero, es tambien el rejisor de este filmo i el kompozo tambien la muzika. I non ay duvda ke el es bien reushido en todos estos echos. (La boz de Yerushalayim, Yerush. 1953-4)

Charlie ke kedo guerfano de tierna edad, se iva detras los taniedores de kaye, dansava a el son de sus muzika i perkurava a ganar algo, por mantener a su madre, ke despues la muerte de su padre, avia kayido muncho i non pudia lavorar. (La boz de Yerushalayim, Yerush 1953-4).

Charlie Chaplin ke tiene el rolo de Calvero, es tambien el rejisor de este filmo i el kompozo tambien la muzika. I non ay duvda ke el es bien reushido en todos estos echos. (La boz de Yerushalayim, Yerush. 1953-4)

Charlie ke kedo guerfano de tierna edad, se iva detras los taniedores de kaye, dansava a el son de sus muzika i perkurava a ganar algo, por mantener a su madre, ke despues la muerte de su padre, avia kayido muncho i non pudia lavorar. (La boz de Yerushalayim, Yerush 1953-4).

ay una sierta semejansa entre la boz umana i algunos instrumentos de muzika, partikolarmente el organo (La eskalera, Const. 1888)