kontinuar v.

המשיך, נמשך, התמיד

kontunear/kontun(u)ar

269990

El ke kontinua su feo uzos desha lo seguro por lo dubdozos

despues kontinua el kon boz mas flaka: (Gaon, Poezias)

i la enemistad kon nozotros kontinuo i rekresio. (La segunda Ester, 1911)

espera dunke asta ke el komandan arrive i nozotros kontinuaremos la konversasion (El Triomfo de la Djustisia, Sal 1921)

Inda romano i bulgar no se avian dechidido / por salir a gerrear mucho avian kijido / ma el romano dezvanesido / kaje ke va empesar / el kontinua armar / a todos sus soldados / por tenerlos aprontados (La Amerika, 1915)

rogo a los senyores maftirim yeno sukseso / kontinuen en esta mision i agan progreso (manus. Vitali Varon, Const. 1948)

bendicho A' Dio de Israel ke a El konviene yamarle el uno verdadero el antiguo el kontinuan su bien ke krio el mundo (Hovot 'ha-Levavot, Const. 1569)

Rogo alora Yehoshua al Dio Santo ke iziera detener al sol i a la luna onde se topavan por kontinuar en la viktoria (Meam Loez Kantar de los kantares, Const. 1899)

es de Yavne, el chiko kazal, ke Israel empeso de nuevo a enfloreser, la sensia empeso a dezvelopar, i de akel tiempo endelantre malgrado la sufriensas del galut, grasias a su livro Israel bivio i kontinuara a bivir (manus. Vitali Varon, Const. 1948)

El duke kompanio a Margerita en Paris ande el kontinuo a venir a verla komo en Banyer. (La dam o kamelia)

Despues, reviniendo al kaminar avagariento i aserkandosen uno del otro, el mas grande kontinuo: (Banyos de sangre, 1912)

eyos ivan, sin duda, suvir atras sobre sus kavayos i kontinuar sus kamino, kuando un nuevo personaje arrivo. (Banyos de sangre, 1912)

Na, el es tambien mi ermano, kontinuo Ektor en mostrando a Andre. (Banyos de sangre, 1912)

Nozotros konosemos al lokander, respondio Ektor en kontinuando su kamino (Banyos de sangre, 1912)

Virdjinia kontinuava de ir engrandesiendose i ermozeandose (Pavlo i Virdjinia, 1912)

Bianka kontinuo kon firmeza : Avla! (Rolando i Eleonora, 1953)

Lo prinsipal es ke el ojo siedro a ir meneandose i la operasion sera bien reushida; si el ojo siedro no se menea, la operasion no reushira. (El muerto ke esta bivo, 1912)

Oy viendo ke su existensia esta en la balansa el ''Sephardic relief committee'' avrio esta semana una kampanya para rekojer moneda i kontinuar su existensia komo en lo pasado. (La Boz del Puevlo, 1918)

Se remarka klaramente ke el papa ainda kere kontinuar a krear la aborresion de relijion i unikamente a esta kavza los paizes sivilizados komo son: los Estados Unidos, Inglatierra etc. no kereran saver de su intervansion ni konsideraran sus yamadas i propozisiones (La Amerika, 1917)

Un terrivle fuego ke kontinuo 3 dias sin puederse amatar destruyo el kuartier komersial de la importante sivdad de Salonik. (La Amerika, 1917)

aunke estamos aki el luaje (kiera) del apartamiento esta kontinuando i ya devemos kaje 3 mezadas (El prove doktor, Const. 1904)

de aver kontinuado a sufrir su influensa malgrado su indinyidad (El Tiempo, 1896)

rekomendo de kontinuar a konfiarle el mandado kon kontrolo britaniko de la inmigrasion (La Boz de Turkiye, 1947)

Eya iva kontinuar mas muncho tienpo ansi. Nantes no le demandava mas porke, dunke iva refuzar?... (Nantes, Tel Aviv 1952)

Pensava ke su portalera le uviera dado estos todos detalyos, i desho kontinuar a madmazel Shoen, i portanto eya bushkava de mas en mas komplimentos, i maneras kerensiozas por dizir las kozas. (Nantes, Tel Aviv 1952)

Katina se metia a pensar i sinyor David kontinuava : (La famoza kantadera, Tel Aviv 1950)

El djuzgo kontinuo 47 anyos, 9 mezes, 3 semanas, 5 dias i unos kuantos puntos. i en todo este tiempo, el konvertido estuvo eskondido debasho de una siya, sin pueder respirar i sin ver luz de bivos, no kere dicho ke ni komio ni bevio. (El Djugeton, Const. 1908)

kontinuaron i anchearon ainda mas su ovra kon la publikasion de diezenas de livros, entre los kualos 2 diksionarios imprimidos i un diksionario en-linya, sovre internet. (Aki Yerushalayim, 2019)