elevo (fr.) m.

תלמיד

alevo

16100

Para el elevo es bendision kuando tokas su imajinasion

El elevo demanda, el profesor aklara

El estudio ley kon el savio Rabi Yosef Migash, ke kedava enkantado de la intelijensa de su elevo (El Gid,1967)

ribi Oshaya transfero su yeshiva a Kisrin; de todas partes del pais vinian elevos para deprender ley de este grande savio (El gid, Istanbul 1967)

le izo ver los inkonvenientes ke prezentavan estas leyes por los elevos djudios frekuentando las eskuelas del Estado. (El Tiempo, 1924)

En aferrandosen de gritar i akuzar al inglez por ser elevo o profesor del nazismo, (La Boz de Yerushalayim, 1954)

El konosia muy bien el lugar del tiempo onde joven elevo, este palasio apartenia al emperador Konstandinos Paliologos i onde su padre venia muy frekuentemente komo ambasador del emperador (Gul Bahar, Tel Aviv 1953)

dia de alhad de esta semana ... devia tener lugar el tiraje ala suerte delos kandidados elevos para la mueva fonderia mekanika (La Epoka, Sal. 1900)

ke elevos! los mejores, los mas avansados i aparteniendo todos a famiyas modestas ma onestisimas i amantes del progreso (La Epoka, Sal. 1900)

La fiesta era dada a la okazion de la fin de los estudios de los elevos (La Ermoza Alis, Tel Aviv 1954)