|
Mal'ahi Bet-Arye Las muntanyas de Yerushalayim i todos los tormentos Kontinuamos
kon muestro proyecto de antolojia de poezía ebrea moderna trezladada
en ladino. Las ovras de Elazar Granot (Abondansa del miel detenido) ay tiempo
ke ya estan sovre muestro sitio Agora se adjusta a eyas un siklo de poemas
"Las muntanyas de Yerushalayim i todos los tormentos" por Mal'ahi
Bet-Arye. Mal'ahi
Bet-Arye. (nasido en 1937), es konosido komo uno de los eruditos i mas
distingidos espesialistas en paleografia i el investigador mas importante de
manuskritos ebreos de la Edad Media. Es miembro de la Akademia de Sensias de
Israel. Ma Mal'ahi Bet-Arye. es tambien un poeta de gran talento. Su primer
livro de poemas, "Estas kayes, akeyas muntanyas", fue imprimido en
1963, djunto kon pinturias de Rafi Lavi. En
1967 se publiko su livro de poemas "Las muntanyas de Yerushalayim i
todos los tormentos", dedikado a la memoria de su ermano, Hagay, que
murió en su mansevez en 1964. Este livro, ke prezentamos a
kontinuasion en su orijinal i en traduksion al ladino, kontiene diez grandes
poemas akompanyados de pinturias en kolores por Miriam
Bat-Yoseph. El livro fue publikado por la edision Tarshish (Dr. Spietzer), en
una edision limitada de 200 exemplares para bibliofilos (la mayoria de eyos
se vendio en el estranjero), y por esto, no es konosido, aun ke los poemas
tienen un gran valor i kalidad literaria. La
traduksión fue echa por Avner Perez, i esta akompanyada tambien kon su
lektura de los poemas i kon la muzika de Daniel Akiva tomada de su ovra
muzikal "Diez Sefirot". Dos
exposiciones de poemas |