|
Para el dia del Olokosto Eskrito en vagon siyado Dr. Avner Perez Uno de los
poemas mas konosidos de la literature ebrea sovre En este terrible viaje, Lilian ke tenia
entonses 16 anyos, no savia ainda ke estava indo a un kampo de eksterminasion
del kual no tornaria. Eya era la ija del Dr. Albert Menashe, mediko nombrado
en el ospital Hirsh en Saloniko i muzisiano de grande talento. Lilian
tambien, de mizmo ke todos los otros miembros de su famiya, era una muzisiana
talentoza, eleva del konservatorio de Saloniko. Eya sonyava segir los pasos
de su padre, estudiar medisina i muzika tambien. Dr. Albert Menashe salvo
grasias a la muzika, komo flautista en la orkestra de Birkenau, ma su mujer i
su ija Lilian murieron en el kampo.
Imediatamente despues de la gerra el Dr. Menashe fue uno de los
primeros a publikar las memorias de esta epoka. Su livro "Diario de
Birkenau" es asta oy un dokumento estremesiente. Ayi el deskrive, entre
otros, su separasion de su ija. Durante un mez entero la orkestra estuvo
tanyendo kada demanyana en el kampo de las
mujeres i el tuvo la posibilidad de komunikar kon su ija kon sinyos i
kon sus miradas. i ansi eskrive el Dr. Menashe en su diario: "Lilian, mi
maloroza ijika! Kontinuo a verla kon un reboso sovre su kavesa arrapada,
mirandome de leshos. La suerte amarga kijo ke su padre kontinue a
bivir…" Yo ya
konosia el kuento de Lilian por la lektura de este diario i otros rekuerdos
familiales, i na ke 65 anyos desopues de su muerte tengo en mis manos un
rekuerdo ezmoviente de esta djovena, eskrito de su mano en el vagon siyado,
en kamino a la muerte. Komo no se
perdio este poema? Es una maraviya ke no me espliko. Parese ke mizmo en este
viaje al inferno, el korason de Lilian kontinuava kantar. En akeyos dias era
muy popular al seno de la djoventud en Saloniko el kante fransez "Bel
ami". Sovre su melodia Lilian kompozo un poema ke estuvo kantando de si
para si i ke noto sus palavras. El poema
esta eskrito en grego i kon el ayudo del Dr. Raoul Menashe i del Sr. Moshe
Aelion, el fue desifrado i yo lo trezladi al ladino. Konsiento ke Lilian
Menashe ke kanta en su kamino a la muerte terrible, es una ermana a la figura
imajinaria sovre la kuala eskrivi en mi poema "Romansa de Rika Kuriel
Novia de Sangre". Sea su memoria bendicha i ke su alma este en las
alturas, djuntos kon sus ermanas santas i puras, asasinadas por los almanes.
|
