חזרה לדף הראשי של מכון מעלה אדומים                             tornar a la pajina prinsipal del Instituto

   חזרה לדף הראשי של אוצר הלשון הספניולית    tornar a la pajina prinsipal del Trezoro

 

חיפוש במילון

Bushkida -  ladino

חיפוש עברי

Bushkida -  ebreo

ניבים

Lokusiones

ס. עממית

L. popular

פתגמים

Refranes

קופלאס

Koplas

ס. תורנית

L. relijioza

תנ"ך ומדרשים

Biblia i Midrash

רומנים ועיתונות

Novelas i Periodizmo

דיגומים מילוניים

Enshemplos leksikales

קלאסיקה

Klasika

לוח הקיצורים

Abreviasions

 



 

 

 

הצגת הערך
Prezentasion de la entrada

 

69530 ערך מספר

entrada numero 69530

bimbriyo/bimbrío m.

חבוש

bimbriyo ham (t.)

טיפש



המטבח הספרדי – מתכונים El Gizado Sefaradi – Rechetas


DULSE DE BERENDJENA
Materiales:
1 kilo de berendjenas
1 kilo de asukar
10-20 klavos de komer
1 kucharika de kanela
1 limon, el sumo
1 litro de agua
djindjivre a gusto
Preparasion: Berendjenas chikas son mijores ke mas grandes. Pikarlas kon un piron profundamente por todas las partes, deshandolas enteras kon la kashka i el paliko. Buyirlas kon agua i una piska de sal durante un minuto. Kitarlas de la agua i meterlas a eskurrir. En otro resipiente, meter el litro de agua i el sumo de limon kon todos los otros materiales i buyir media ora. Adjustar las berendjenas i deshar buyir durante dos oras o mas, o asta ke el sirop esta a punto. Si las berendjenas son grandes se kortan pedasikos, ma si son chikas se sierven enteras, kada una sovre un platiko.

MOGADOS DE BIMBRIYO
Materiales:
800 gramos de bimbriyos
2 vazos de asukar
2 limones
1½ vazos de agua
Preparasion: Mundar la kashka de los bimbriyos, kortarlos en kuartos, kitarles las pipitas i el korason, enshaguarlos i kozerlos sin tapar en fuego moderado, en un vazo i medio de agua asta ke se ablandan, mas o menos media ora. Eskurrirlos i desharlos yelar en tefsin burakado, despues azerlos puree en pasandolo por mulino o kon un piron o en el blender. Mezurar la kantidad de puree obtenida, adjustar la mizma kantidad de asukar ansi ke el sumo de un limon para dos vazos de puree de bimbriyo. Meter todo en una kacharola i kozer en fuego moderado. Mesklar de vez en kuando, kuando se esta koziendo, asta ke no keda likido del todo i se obtiene una masa ke se despega fasilmente de la kacharola. Mojar el fondo de un paylon no ondo, kon el sumo de medio limon i aresentar de manera igual la masa de bimbriyo en estando ainda kaente. Meter tino a ke este lizo lizo, en echando por enriva el sumo del ultimo medio limon. Taparlo kon un pedaso de gaza i meterlo al aire unos kuantos dias asta ke se seka bueno bueno. Entonses se kortan mogados. Este dulse se konserva afuera del frijider mas de tres mezes, en el frijider mizmo un anyo.

KOMPOSTO DE BIMBRIYO
Materiales:
3 bimbriyos blankos i ermozos
5-6 kucharas de asukar
1/2 kucharika de kanela mulida o
de pedasos de kanela
2-3 vazos de agua
1 limon
Preparasion: Meter a buyir la agua, la asukar, la kanela i el sumo del limon. De otra parte, mundar la kashka de los bimbriyos, kitar las pipitas (el korason), enshaguarlos i kortarlos pedasos no grandes. Kuando buyo el sirop meter adientro el bimbriyo i deshar kozer en fuego basho asta ke se ablanda. Se sierve yelado.

BIMBRIYOS AL ORNO
Materiales:
6 bimbriyos
1½ vazos de asukar
1 vazo de agua
1 limon
krema batida (si se kere)
Preparasion: Lavar bien los bimbriyos, kortarlos en pedasos, a la larga, i kitarles el korason. Meterlos en un resipiente i kuvrirlos kon agua i el sumo de un limon. Pasada una ora, kitar los bimbriyos de la agua i meterlos en un Pyrex, la parte de la kashka para ariva, kon medio vazo de agua i medio vazo de asukar i meterlos a orno moderado durante vente i sinko minutos. Entonses kitarlos del orno, aboltarlos, echar por enriva el resto de la asukar i la agua i meter de muevo al orno por otros vente minutos. Desharlos yelar i servirlos kon krema batida.