לרשימת השירים

לדף הבית

לדף הראשי של מכון מעלה אדומים

Lista de cantes

Pajina prinsipal

tornar a la pajina prinsipal del Instituto Maale Adumim

To Song List

To Main Page

Back to Main Page of Maale Adumim Institute


אוצר שירי לאדינו
Trezoro de Kantes
Ladino Song Treasure

לשיר הבא / Kante siguente / To Next Song

לשיר הקודם / Kante presedente / To Previous Song

Kante / Song / שיר
922


Si en servisio de los sakrifisios fue abandonado
I si muestro santuvario fue ruinado
El puevlo de Yisrael no sera nunkua ekstreminado
Por l'amor de muestro Patriarka Avraam el menerado

Su devuamiento o Dio rekonoseras )
De su finelidad solo tu te akodraras )
Kuando le dishites toma a tu ijo i lo degoyaras ) x2
I su sangre sovre el altar destelnyaras )

Presto korio Avraam por aprontar a su ijo
Ke su alma kon su alma eran un fuerte atadijo
Apronto la lenya i el fuego sigun el Dio kijo
Sin ke Ishak supiera el eskopo de este rijo

Lijero komo el korso se sometio Ishak a su komando
A su padre le disho tu te as olvidado
El fuego i la lenya ya estamos yevando
Onde esta el animal ke seria degoyado

Entonses su padre por no aturvarlo
Le respondio a su ijo por kontentarlo
El Dio aprontara el animal por degoyarlo
Mozotros devemos kaminar i esperarlo

Padre i ijo kon muncho devuamiento
Kontuniaron sus kamino kon pureza i santifikamiento
Azer la veluntad del Dio era sus unikos pensamiemto
Traversaron montes kon apresuramiento

Kuando eyos vieron de la parte de Oriente
Ke una nuve abashava i estasionava en el monte
Aprontaron los lenyos kon un amor ardiente
Por azer la veluntad de Dio Potente

Kuando Ishak entendio ke el devia ser sakrifikado
Le disho a su padre en edad muy avansada
Padre mio, atame komo el kodrero bien asegurado
No seas piadozo aunke so tu arregalado

El Dio m'eskojio i me kijo mereser
No puedemos kontra el, devemos obedeser
La fin de el ombre esto deve de ser
Murir i d'entre los bivos despareser

Kon fuersa i koraje obedesiendo a sus Dio
Ato Avram a su ijo ke a los sien anyos le nasio
Enriva de los lenyos lo espandio
I el fuego en el altar ensendio

Su garganta espandio sin izitasion
I su padre se aserko kon yena intision
Por degoyarlo i ofreserle alsasion
I el Dio lo mirava kon antansion

Lo ke izo este padre asen kantar
Sin ninguna piadad a su ijo iva kortar
Para ayegarlo al sakrifisio sovre el altar
Por ekzekutir el orden de su Dio i respektar

Kuando Avraam metia el kuchiyo en la garganta
Una boz del sielo le yamava a boz alta
"Avraham! Avraham! no tokes al mansevo, ya basta
Degoya este barves i a Ishak dezata

Este animal sea su remplasamiento
Destinado para esto diste su nasimiento
Ya konosi la pureza de su sentimiento
Su fidelidad i su devuamiento

La memoria de este akto sea o Dio delantre de tu siya
Padre i ijo ke ovedesieron kon grande enerjia
No olvides su aliansa kon la nasion djudia
Oye a muestras orasiones en este dia

Tus ijos fideles te yaman kon abatision
Este akto importante sea su mamparasion
Resgata kon tus piadades a tu nasion
Ke espera siempre tu salvasion

(otras 9 estrofas)

פיוט הסליחות "אם אפס רובע הקן" בלאדינו

להשמעת השיר תוך כדי צפייה בטקסט יש ללחוץ על עכבר ימני ולבחור באופציה: פתח בחלון נפרד

Para eskuchar mientres ke se melda el teksto apretar sovre el numero de enrejistramiento kon el raton derecho i eskojer "Open in new window"

For listening while loking at the text, press right mouse and choose: Open in new window

Eskuchar / Listening

922

האזנה לשיר

Notas musicales /musical notes

922

תווים

Notas / Comments

(otras 9 estrofas)

הערות

Titulo / Title

Im Afes (Akedat Yitshak)

כותרת

Numero del enrejistramiento
Record No.

095/06

סימון קלטת

Numero del informante
Informant No.

10

מספר מידען

Nombre del informante (ebreo)
Informant name (Hebrew)

יהודה אגלמז

שם מידען (עברית)

Nombre del informante (ladino)
Informant name (Ladino)

Aglamaz Yeuda

שם מידען (לאדינו)

Lugar de enrejistramiento
Record place (Ladino)

מקום ההקלטה

Tradision / Tradition

Turkia, Ankara

מסורת

Nombre del enrejistrador
Recorder name

Moshe Sevilla Sharon

שם המקליט

Anyo de enrejistramiento
Record year

1980

שנת הקלטה

Jenero literario
Literary genre

PY Tr. פיוט מתורגם ללאדינו

סוגה (ז'אנר)

Numero de katalogo
Catalogue No.

מספר קטלוגי

Numero de fonksionamiento
Function No.

Lit - Selihot ליטורגי - סליחות

תפקוד

לשיר הבא / Kante siguente / To Next Song

לשיר הקודם / Kante presedente / To Previous Song